Prajakta Gaikwad चं ‘ठरलं’; फोटो शेअर करत अभिनेत्रीने चाहत्यांना दिली
Anant-Radhika Wedding: 529 कोटींच्या हॉटेलमध्ये होणार अनंत अंबानीचे लग्न,जाणून घ्या कसा असेल 3 दिवसांचा सोहळा
मुकेश आणि नीता अंबानी यांचा लाडका मुलगा अनंत अंबानी आणि राधिका मर्चंट यांचा प्री-वेडिंग सोहळा साजरा करण्यात आला. त्यात अनेक स्टार्स सहभागी झाले होते. अंबानी कुटुंबीयांच्या या सोहळ्याला बॉलिवूड, हॉलिवूड आणि बिझनेस जगतातील अनेक नामवंतांनी हजेरी लावली होती. आता लवकरच हे दोघं लग्न करणार असून जुलै महिन्यात ते कायमचे एक होणार आहेत. अनंत अंबानी आणि राधिका मर्चंट यांचा प्री-वेडिंग सोहळा गुजरातमधील जामनगरमध्ये पार पडला, तर आता हे लग्न भारतापासून दूर म्हणजेच लंडनमध्ये होणार असल्याच्या बातम्या येत आहेत. 3 दिवसांचा हा सोहळा नेमका कसा असेल चला तर मग जाणून घेऊया त्याचा संपूर्ण तपशील.(Anant Radhika Wedding)
अनंत अंबानी आणि राधिका मर्चंट यांचा विवाह सोहळा प्री-वेडिंगपेक्षाही मोठा आणि भव्य असणार आहे. इंडिया टुडेच्या रिपोर्टनुसार, दोघांचे लग्न समारंभ लंडनमधील स्टोक पार्क इस्टेटमध्ये होणार आहेत.आणि या सोहळ्याची तयारी ही सुरू झाली आहे. नीता अंबानी या मुलाच्या प्रत्येक फंक्शनवर लक्ष ठेवून आहेत. इंडिया टुडेच्या रिपोर्टनुसार, लग्न समारंभासाठी बॉलिवूडच्या अनेक स्टार्सना आमंत्रित करण्यात आलं आहे, जेणेकरून ते त्यानुसार त्यांच्या पुढील वेळापत्रकाचे नियोजन करू शकतील. लग्नपत्रिकेबाबत अशी बातमी आहे की, जवळपास 9 पानांचं हे खास आमंत्रण असणार आहे, जे सर्वांना पाठवलं जाणार आहे.
इंडिया टुडेने दिलेल्या वृत्तानुसार, अनंत अंबानी आणि राधिका मर्चंट यांच्या लग्नासाठी अंबानी कुटुंबीयांनी लंडनमधील खास ठिकाणाची निवड केली आहे. मिळालेल्या माहितीनुसार, अनंत आणि राधिकाचा विवाह सोहळा लंडनमधील स्टोक पार्क इस्टेटमध्ये संपन्न होणार आहे.(Anant Radhika Wedding)
==========================
==========================
३०० एकरात पसरलेले हे आलिशान हॉटेल १०६६ साली बांधण्यात आले, त्याचा विस्तार १७६० मध्ये करण्यात आला. या हॉटेलमध्ये ४९ लक्झरी रूम, लेक, गार्डन, स्मारके, स्पा, क्लब हाऊस, रेस्टॉरंट, जिम फिटनेस सेंटर, टेनिस कोर्ट, गोल्फ कोर्स सह सर्व सुविधा आहेत. ही ब्रिटनमधील सर्वात महागड्या मालमत्तांपैकी एक आहे.