Chhaava : ‘छावा’तीलअंताजी साकारणाऱ्या अभिनेत्याने शेअर केला खास व्हिडीओ

लक्ष्मण उतेकर दिग्दर्शित ‘छावा'(Chhaava) सध्या प्रेक्षकांच्या मनावर अधिराज्य गाजवत असून बॉक्स ऑफिसवर चित्रपटाने अवघ्या १५ दिवसांमध्ये ५०० कोटींचा टप्पा पार करत २०२५ या वर्षातील पहिला चित्रपट ठरला आहे ज्याने बाहुबली, ॲनिमल चित्रपटांचा रेकॉर्ड मोडला आहे. या चित्रपटात अभिनेता विकी कौशल प्रमुख भूमिकेत दिसत आहे. छत्रपती संभाजी महाराजांची भूमिका त्याने साकारली आहे. या चित्रपटात अंताजी यांची भूमिका साकारणारा अभिनेता आशिष पाथोडे याने सेटवरील एक खास फोटो शेअर केला आहे.

‘छावा’ चित्रपटात अंताजी यांची भूमिका साकारणाऱ्या आशिष पाथोडेने छावाच्या सेटवरील शेवटच्या दिवसाचा एक खास व्हिडिओ शेअर केला आहे. यात विकी कौशलदेखील दिसत आहे. आशिष याने व्हिडिओ शेअर करत लिहिते, “छावा चित्रपटाच्या शूटिंगचा माझा शेवटचा दिवस होता. सेटवर सर्व जण माझ्या अंताजी या पात्रावर प्रेमाचा वर्षाव करत होते.” पुढे त्याने लक्ष्मण उतेकर यांना टॅग करत खूप प्रेम असे म्हणत धन्यवाद दिले आहेत. (Bollywood movie update)

छत्रपती संभाजी महाराज यांच्या जीवनावर आधारित Chhaava या चित्रपटाचे कथानक शिवाजी सावंत यांच्या ‘छावा’ या गाजलेल्या कांदबरीवर आहे. चित्रपटात विकी कौशलसह अक्षय खन्ना, रश्मिका मंदाना प्रमुख भूमिकेत दिसत आहेत. रश्मिकाने महाराणी येसुबाई यांची भूमिका साकारली आहे, तर अक्षय खन्नाने औरंगजेबाची भूमिका साकारली आहे.

============

हे देखील वाचा :Ranbir Kapoor : ‘अॅनिमल’मधील त्या सीनसाठी रणबीर कसा तयार झाला?

============