अखेर प्रतिक्षा संपली ! अर्शद वारसीच्या ‘असुर 2 ‘ चा धमाकेदार फर्स्ट लुक आला समोर
लोकप्रिय क्राइम थ्रिलर सिरीज ‘असुर‘च्या दुसऱ्या सीझनची चाहते बऱ्याच दिवसांपासून वाट पाहत होते. अखेर ही प्रतीक्षा आता लवकरच संपणार आहे. असुरच्या निर्मात्यांनी बुधवारी ‘असुर २‘चा फर्स्ट लूक प्रोमो रिलीज केला आहे. सोशल मीडिया प्लॅटफॉर्म ट्विटर आणि इन्स्टाग्रामवर आपला प्रोमो शेअर करत ओटीटी प्लॅटफॉर्म जिओ सिनेमाने लिहिले की, ”लवकरच भेट होईल, असुर परत येत आहे; तेव्हा आपली डार्क बाजू जाणून घेण्यासाठी तयार व्हा” ही सीरीज 1 जूनपासून जिओ सिनेमावर ते मोफत स्ट्रीम करता येणार आहे.(Asur 2)
या सिरीजचा फर्स्ट लूक पाहिल्यावर असं दिसतय की, सिझन पहिला जिथे संपला, तिथूनच त्याची कथा सुरू झाली आहे. या वेब सीरिजमध्ये असुरांची उत्पत्ती आणि त्यांच्या अस्तित्वाची कहाणी सांगण्याचा प्रयत्न करण्यात आला आहे. ही कथा विज्ञान आणि धर्म यांचे नाते सांगते, हा काही मिनिटांचा ट्रेलर किंवा फर्स्ट लूक पाहून असं म्हणता येईल की, पहिल्या सीझनप्रमाणेच ‘असुर सीझन २‘ देखील धमाकेदार असणार आहे यात शंका नाही . या व्हिडिओमध्ये तुम्हाला दिसेल की अर्शद वारसी असुराला पकडण्यासाठी बाहेर गेला आहे. हा तोच असुर आहे जो सीरियल किलर बनून लोकांची हत्या करत आहे. या वेब सीरिजच्या दुसऱ्या भागात आपल्याला निखिल म्हणजेच बरुण सोबती आणि सीबीआय अधिकारी बनलेला धनंजय राजपूत (अर्शद वारसी) आणि असुर यांच्यातील कनेक्शन पाहायला मिळणार आहे.
रिद्धी डोगराने सुद्धा इन्स्टाग्रामच्या अधिकृत अकाऊंटवर ‘असुर सीझन २’चा फर्स्ट लूक शेअर केला आहे. ”मोस्ट अवेटेड ‘असुर सीझन 2’चा फर्स्ट लूक आम्ही तुमच्यासमोर घेऊन आलो आहोत. आता आम्ही लवकरच भेटू, फक्त जिओ सिनेमामध्ये. तेही विनामूल्य” अस कॅप्शन देत फर्स्ट रिद्धी ने सिरिजचा फर्स्ट लूक शेअर केला आहे. या वेब सीरिजचा पहिला सीझन 2 मार्च 2022 रोजी रिलीज झाला होता. (Asur 2)
======================================
=======================================
अर्शद वारसी आणि बरुण सोबती यांच्या सह या क्राइम सीरिजमध्ये रिद्धी डोगरा, अनुप्रिया गोएंका, अमेय वाघ, मेघ चांग आणि गौरव अरोरा यांसारखे प्रतिभावान कलाकार दिसणार आहेत.
