‘थोडं तुझं आणि थोडं माझं’ मालिकेतल्या गायत्री प्रभूच्या लूकला मिळतेय प्रेक्षकांची पसंती
रंगवणारे कलाकार यासोबतच कलाकारांचे हटके लूक हा नेहमीच चर्चेचा विषय असतो. स्टार प्रवाहच्या थोडं तुझं आणि थोडं माझं मालिकेतल्या गायत्री प्रभूच्या लूकलाही प्रेक्षकांची पसंती मिळतेय. गायत्री प्रभू, अतिशय हुशार आणि स्वावलंबी आहे. फिनिशिंग कॉलेजची टॉपर आणि सध्या एका मोठ्या तारांकित हॉटेलमध्ये मॅनेजरचं काम सांभाळतेय. वर्किंग वुमन असल्यामुळे मानसीचा लूक डिझाईन करताना फॉर्मल लूकवर शिक्कामोर्तब करण्यात आलं. अभिनेत्री, नृत्यांगना आणि वेशभुषाकार अशी बहुरंगी ओळख असलेल्या शाल्मली टोळ्येने गायत्रीचा लूक डिझाईन केला आहे. कॉटनच्या साड्या, ट्रेंडिंग ब्लाऊज आणि ऑक्सिडाईज ज्वेलरी असा परफेक्ट फॉर्मल लूक करण्याचं शाल्मलीने ठरवलं. गायत्रीच्या सौंदर्याने हा लूक आणखीनच खुलून आलाय.(Thod Tujh Thod Majh Serial)
गायत्री प्रभूची भूमिका साकारणारी अभिनेत्री मानसी कुलकर्णी तब्बल १० वर्षांनंतर मालिका विश्वात पदार्पण करतेय. गायत्रीच्या भूमिकेला आणि तिच्या लूकला मिळणाऱ्या भरभरुन प्रतिसादाविषयी सांगताना मानसी म्हणाली, ‘मला साडी नेसायला खूप आवडतं. गायत्रीच्या लूकसाठी डिझाईन केलेल्या साड्या फारच सुरेख आहेत. प्रेक्षकांकडून या लूकचं खूप कौतुक होतंय. मला स्वत:ला हा लूक खूप आवडलाय. गायत्रीचा लूक परिधान केल्यावर एक वेगळाच आत्मविश्वास जाणवतो.’
या मालिकेतलं गायत्री प्रभू हे महत्त्वाचं पात्र आहे. गायत्रीचा माणसांपेक्षा पैशांवर जास्त विश्वास आहे. प्रभू कुटुंबाची भली मोठी वास्तू आणि प्रतिष्ठा पाहूनच तिने या घरची सून होण्याचा निर्णय घेतला. गायत्री हुशार आणि स्वावलंबी आहे. ती फिनिशिंग स्कूलची टॉपर आहे. तिचा रेकॉर्ड आजवर कुणीच मोडलेला नाही. गायत्रीला समोरच्या व्यक्तीला हरताना पाहायला आवडतं. ती कधीच कोणाला स्वत:समोर जिंकू देत नाही, त्यासाठी ती कोणत्याही थराला जाऊ शकते.(Thod Tujh Thod Majh Serial)
=============================
==============================
गोठ मालिकेतून घराघरात पोहोचलेला लोकप्रिय अभिनेता समीर परांजपे या ‘थोडं तुझं आणि थोडं माझं‘ मालिकेतून प्रेक्षकांच्या भेटीला येणार आहे. थोडं तुझं आणि थोडं माझं मालिकेत तो तेजस प्रभू उर्फ तेजा ही व्यक्तिरेखा साकारत आहेत. ‘थोडं तुझं आणि थोडं माझं‘ ही मालिका रात्री ९ वाजता स्टार प्रवाह या वाहीनीवर तुम्हाला पाहता येईल.
