Kajol : “‘तिथे शूटिंग करताना मला नेहमीच अस्वस्थ वाटत होतं”

२०००ची हिंदी चित्रपटसृष्टी गाजवणारी अभिनेत्री काजोल सध्या चित्रपटांसह वेब सीरीजमध्येही विविधांगी भूमिका साकारताना दिसत आहे. लवकरच ती शैतान या हॉरर-थ्रिलर युनिवर्समधील माँ चित्रपटातून हटके पात्र साकारणार आहे… सध्या या चित्रपटाच्या प्रमोशनमध्ये काजोल व्यस्त असून तिने यादरम्यान एका मुलाखतीमध्ये तिला भूताटकीचा अनुभव आल्याचा एक किस्सा तिने शेअर केला आहे.

हॉरर चित्रपट शुट करताना बऱ्याच कलाकारांनी त्यांना आलेल्या पॅरानॉर्मल अॅक्टीव्हिटींबद्दल किस्से सांगितले आहेत.असाच एक किस्सा आता काजोलने देखील सांगितला आहे. एका ठिकाणी शुटींग करत असताना तिला त्या जागी फार नकारात्मकता आणि अस्वस्थ वाटत असल्याचा अनुभव तिने सांगितला आहे.

काजोल म्हणाली की,‘तिथे शूटिंग करताना मला नेहमीच अस्वस्थ वाटत होतं. नकारात्मक उर्जा किंवा भुतीया वाईब्स असं म्हणतो ना तसं काहीतरी जाणवत होतं. कधी-कधी असं होतं की आपण अशा ठिकाणी जातो, तिथे आपल्याला अस्वस्थ वाटतं. अशा बऱ्याच ठिकाणी शुटिंग केलं आहे. जिथे व्यवस्थित झोपही येत नाही आणि तेथून लवकर निघून जावं वाटतं. याचं उत्तम उदाहरणं आपल्याकडे आहे, हैदराबादमधील रामोजी राव स्टुडिओ… जे जगातील सर्वात भयानक ठिकाणांपैकी एक मानलं जातं. पण मला वाटतं की देवाने माझं रक्षण केलंय की मी आजपर्यंत काहीही पाहिलेल नाही”, असे म्हणत रामोजीमध्ये पॅरानॉर्मल अॅक्टिव्हिटी अनुभवल्याचं ती म्हणाली.

================================

हे देखील वाचा: Abhishek Bachchan एकेकाळी होता LIC Agent; चित्रपटांची गिनीज बुकमध्येही आहे नोंद

=================================

दरम्यान, काजोल आगामी ‘माँ’ चित्रपटात एका आईची भूमिका साकारत आहे, जी तिच्या मुलीचे रक्षण करण्यासाठी कोणाशीही लढण्यास तयार असते. या चित्रपटात काजोल, इंद्रनील सेनगुप्ता, रोनित रॉय यांच्या प्रमुख भूमिका आहेत. तसेच, लवकरच शैतान २ चित्रपटही येणार असून यात काजोलचा कॅमिओ असणार असं सांगितलं जात आहे.

Get Latest Marathi Entertainment update | Movies Reviews in Marathi | Celebrities Update in Marathi