Thug Life : कमल हासन सोबत झळकणार महेश मांजरेकर!
मारधाड असणारे चित्रपट आधी प्रेक्षकांना फारसे आवडत नव्हते. पण साऊथ चित्रपटांनी फाईटिंग सीन्स इतके लोकप्रिय केले की प्रेक्षकांना केवळ साऊथच नव्हे तर हिंदी चित्रपटांमधीलही फाईटींग सीन्स आवडू लागले. आता लवकरच याच पठडीतील साऊथ चित्रपट ‘ठग लाईफ’ (Thug Life) प्रेक्षकांच्या भेटीला येणार असून मणी रत्नम (Mani Ratnam) दिग्दर्शित या चित्रपटात कमल हासन (Kamal Hasan) प्रमुख भूमिकेत आहेत तर त्यांच्यासोबत मराठमोळे अभिनेते महेश मांजरेकर (Mahesh Manjrekar) एका विशेष भूमिकेत दिसणार आहेत. (Bollywood-tollywood movies)
नुकताच ‘ठग लाइफ’ चित्रपटाचा उत्कंठावर्धक ट्रेलर रिलीज झाला आहे. या ट्रेलरमध्ये दिसतं की, कमल हासन कुटुंबाचे प्रमुख असतात. ते एका लहान मुलाला दत्तक घेतात. पुढे हा मुलगा मोठा झाल्यानंतप कमल हासन त्याला घराण्याचा पुढचा उत्तराधिकारी करतात. परंतु स्वार्थ आणि लोभापायी हा मुलगा कमल हासन यांच्याच कुटुंबाला उद्धवस्त करण्याचा कट रचतो. कुटुंबावरच घाला बसल्यामुळे कमल हासन यांचं रौद्ररुप चित्रपटात पाहायला मिळतं. शिवाय या चित्रपटात महेश मांजरेकर खलनायकाची भूमिका साकारताना दिसणार आहेत. (Bollywood tadaka)
==============================
हे देखील वाचा: Jarann Marathi Movie Teaser: ‘भूतकाळातून सुटका अशक्य आहे’; ‘जारण’ चा चित्तथरारक टीझर प्रेक्षकांच्या भेटीला..
==============================
‘ठग लाइफ’ चित्रपटात कमल हासन प्रमुख भूमिकेत असून त्यांच्यासोबत सिलंबरासन टीआर (STR), त्रिशा, ऐश्वर्या लक्ष्मी, जोजू जॉर्ज, अभिरामी, अशोक सेल्वन, महेश मांजरेकर, अली फजल झळकणार आहे. मणी रत्नम यांनी या दिग्दर्शन केलेल्या चित्रपटाला ए.आर.रहमान यांनी संगीत दिलं आहे. मुळ तमिळ भाषेतील हा चित्रपट हिंदीतही रिलीज होणार असून प्रेक्षकांना ५ जून २०२५ पासून चित्रपट पाहता येणार आहे.(Entertainment news)