Umesh Kamat-Priya Bapat यांची ‘बिन लग्नाची गोष्ट’ ॲमेझॉन प्राईमवर ट्रेंडिंग!
Divya Shinde : बिग बॉसच्या घरातील सदस्यांना थेट जीवे मारण्याची धमकी, घरातून तिचीच केली हकालपट्टी
मराठी बिग बॉसच्या सहाव्या सीझनमध्ये पहिल्या दिवसांपासूनच सर्वच स्पर्धकांनी तुफान राडा घातला आहे. कधी टास्टमुळे, कधी घरातील कामांमुळे सदस्य एकमेकांशी रोज भिडताना दिसतात. मात्र, आता घरातील एका सदस्याने चक्क हद्द पार करत घरातील इतर स्पर्धकांना थेट जीवे मारण्याची धमकी दिली आहे. यामुळे बिग गॉसने थेट त्या सदस्याला बाहेरचा रस्ता दाखवला आहे. आणि ती सदस्य आहे दिव्या शिंदे… नेमकं काय झालं होतं जाणून घेऊयात… (Divya shinde)
दरदिवसाप्रमाणे बिग बॉसने घरातील सदस्यांना एक टास्क दिला होता. ज्यात त्या घरात राहण्यासाठी जे सदस्य लायक वाटत नाहीत त्यांच्या चेहऱ्यावर फुल्ल्या मारायच्या होत्या. त्यानुसार, स्पर्धकांनी नावं घेतली. तन्वीने दिव्याचं नाव घेतलं. आणि दिव्या घरात राहण्यास अपात्र असल्याचं सांगितलं. यानंतर दिव्या संतापली. यावेळी दिव्याने घरातील काही स्पर्धकांना अप्रत्यक्षपणे जीवे मारण्याची थेट धमकी दिली. यामुळे घरातील वातावरण तापलं. (Big Boss Marathi Season 6)
दिव्या बिग बॉसच्या घरात थेट म्हणाली की, “माझ्या कानावर आलं की, मी बाहेरच्या गोष्टी घरात बोलते. पण मी काही वेगळं बोललेली नाही. बिग बॉसच्या घराबाहेर माझ्या हातात कायम तलवार असते. ती तलवार आता माझ्या घरी आहे. परंतु, त्याचा अर्थ असा नाही की ती तलवार मी घराबाहेर गेल्यानंतर चालवणार नाही. या घरात जे कुणी माझ्या बाबतीत बोलत आहेत, त्यांच्यावर ती तलवार चालवणार“, असं म्हणत दिव्यानं घरातील काही सदस्यांना थेट धमकी वजा इशारा यावेळी दिला.
================================
================================
दरम्यान, दिव्याने हा इशारा दिल्यानंतर रुचिता, तन्वीसह इतर सदस्यांनी तु आम्हाला धमकी देतेयस का असं विचारलं. यावर दिव्याने हो धमकीच आहे असं परखडपणे म्हटलं. यानंतर, घरात एकच गदारोळ झाला. बिग बॉसने या प्रकरणात मध्यस्थी केली. तसेच दिव्या चांगल्याच शब्दांत झापलं. नंतर दिव्या राकेशला (Raquesh Bapat) कन्फेशन रूममध्ये बोलावण्यात आलं. यावेळी दिव्याने बिग बॉसकडे दिलगिरी व्यक्त केली. परंतु, घरातील सदस्यांची तिनं माफी मागण्यास नकार दिला. याच कारणास्तव दिव्या शिंदेची बिग बॉसच्या घरातून हकालपट्टी करण्यात आली. आता यानंतर भाऊच्या धक्क्यावर रितेश देशमुख काय बोलणार याकडे प्रेक्षकांचं विशेष लक्ष लागलं आहे.
Get Latest Marathi Entertainment update | Movies Reviews in Marathi | Celebrities Update in Marathi