Nivedita Saraf यांना यंदाचा गंधार गौरव पुरस्कार जाहीर!
मराठी चित्रपट आणि मालिकाविश्वातील चतुरस्त्र ज्येष्ठ अभिनेत्री निवेदिता सराफ यांना यंदाचा गंधार गौरव पुरस्कार जाहिर झाला आहे… विशेष म्हणजे पद्मश्री अशोक सराफ यांच्या हस्ते निवेदिता यांना हा पुरस्कार १४ नोव्हेंबर २०२५ रोजी प्रदान केला जाणार आहे… ज्येष्ठ अभिनेत्री उषा नाडकर्णी यांनी पत्रकार परिषदेत याबद्दल माहिती दिली असून निवेदिता सराफ यांनीही सोशल मिडियावर ही आनंदाची बातमी चाहत्यांसोबत शेअर केली आहे…
निवेदिता सराफ यांना प्रदान करण्यात येणाऱ्या गंधार पुरस्काराचं स्वरुप शाल श्रीफळ सन्मानचिन्ह 11, 111 रुपये रोख असे असणार आहे. तसेच, दोन वर्षांपूर्वी पासून गंधार बालकलाकार पुरस्कार सुरू केला असून यावर्षी हा पुरस्कार गायिका स्वरा जोशी हिला देण्यात येणार आहे. आजवर, ज्येष्ठ साहित्यिक रत्नाकर मतकरी, विद्या पटवर्धन, दिलीप प्रभावळकर, अशोक समेळ, नरेंद्र आंगणे, अतुल परचुरे, सचिन पिळगावकर, महेश कोठारे, विजय गोखले यांना आतापर्यंत गंधार गौरव पुरस्काराने सन्मानित करण्यात आलं आहे.
================================
================================
निवेदिता जोशी यांनी बालकलाकार म्हणून इंडस्ट्रीत एन्ट्री केली होती.. १९७७ मध्ये ‘अपनापन’ या हिंदी तर १९८४ मध्ये ‘नवरी मिळे नवऱ्याला’ या मराठी चित्रपटातून त्यांनी अभिनयाची सुरुवात केली होती… याशिवाय ‘धुम धडाका’, ‘दे दणादण’, ‘मरते दम तक’, ‘फेका फेकी’, ‘चंगू-मंगू’, ‘आमच्यासारखे आम्हीच’, ‘किंग अंकल’, ‘माझा छकुला’, ‘फसक्लास दाभाडे’, ‘देऊळ बंद’ अशा अनेक मराठी-हिंदी चित्रपटांमध्ये त्यांनी कामं केली आहेत…
Get Latest Marathi Entertainment update | Movies Reviews in Marathi | Celebrities Update in Marathi