Prajakta Mali मुंबई सोडून चालली? अभिनेत्रीच्या पोस्टने चाहत्यांना बसला धक्का !
OMG 2 Trailer Release: भक्तासाठी पृथ्वीवर येणार भोलेनाथ; अखेर ओमजी 2 चा धमाकेदार ट्रेलर आला समोर !
अक्षय कुमार आणि पंकज त्रिपाठी स्टारर ‘ओह माय गॉड 2‘ चित्रपटाचा ट्रेलर अखेर चाहत्यांसमोर आला आहे. अक्षय कुमारचा ‘ओह माय गॉड’ हा चित्रपट सर्वाधिक चर्चेत आहे. दरम्यान,ओह माय गॉड 2 या चित्रपटाचा सिक्वेल आहे, ज्याचा ट्रेलर 2 एप्रिल रोजी रिलीज होणार होता. पण भारतीय कला दिग्दर्शक नितीन चंद्रकांत देसाई यांच्या आकस्मिक निधनामुळे तो पुढे ढकलण्यात आला. अखेर आज या मोस्ट अवेटेड सिनेमाचा ट्रेलर रिलीज झाला असून त्या ट्रेलर ला चाहत्यांचे प्रेम मिळत आहे आणि सोशल मीडियावर ट्रेलरची चर्चा जोरदार सुरू आहे. या चित्रपटाच्या प्रदर्शनाबद्दल बोलायचे झाले तर हा चित्रपट सनी देओलच्या ‘गदर २’ सोबत म्हणजेच ११ ऑगस्ट २०२३ रोजी प्रदर्शित होणार आहे. या सिनेमात अक्षयसोबत पंकज त्रिपाठी, यामी गौतम आणि अरुण गोविल यांच्याही महत्त्वाच्या भूमिका असणार आहेत.(OMG 2 Trailer Release)
ओएमजी 2 चा ट्रेलर अक्षय कुमारने सोशल मीडियावर शेअर केला आहे. एक व्हिडिओ शेअर करताना अक्षयने लिहिले आहे की, स्वागताची तयारी सुरू करा, डमरुधारी ११ ऑगस्टला येत आहे. ‘ओह माय गॉड’मध्ये कान्हाच्या भूमिकेत परेश रावलला कोर्टात मदत करणारा अक्षय कुमार आता शिवाचा अॅम्बेसेडर बनून पंकज त्रिपाठीच्या अडचणींवर मात करताना दिसणार आहे.ट्रेलरमध्ये पंकज त्रिपाठी जे शिवभक्त आहे आणि अक्षय कुमार त्यांच्या रक्षणासाठी शिवाच्या रूपात येताना दिसतो. या सिनेमाच्या ट्रेलरची सुरुवात भगवान शिवच्या एका संवादाने होते, जो नंदीला आपल्या भक्ताच्या रक्षणासाठी देवदूत पाठविण्यास सांगतो. ज्यानंतर शिवभक्त असलेल्या पंकज त्रिपाठीची एन्ट्री होते. भगवान शिव आपल्या कुटुंबावरील आपत्ती कशी दूर करतात हे या चित्रपटात पाहायला प्रेक्षकांना मिळणार आहे. ट्रेलरमध्ये यामी गौतमची वकील स्टाईल देखील दिसत आहे, तर अरुण गोयल प्राचार्याच्या भूमिकेत आपल्याला पहायला मिळणार आहे.
OMG २ हा २०१२ मध्ये आलेल्या OMG या चित्रपटाचा सिक्वेल आहे. हा चित्रपट सुपरहिट ठरला होता. या चित्रपटात अक्षय कुमार भगवान श्रीकृष्णाच्या भूमिकेत होता. या चित्रपटात अक्षय कुमारव्यतिरिक्त परेश रावल देखील महत्त्वपूर्ण भूमिकेत होते. ६० कोटी रुपयांच्या बजेटमध्ये बनलेल्या या चित्रपटाने बॉक्स ऑफिसवर १९३ कोटींची कमाई केली होती.(OMG 2 Trailer Release)
========================
=======================
अमित राय दिग्दर्शित आणि वायकॉम १८ च्या बॅनरखाली तयार झालेला ‘ओह माय गॉड २’ हा चित्रपट ११ ऑगस्टला चित्रपटगृहात प्रदर्शित होत आहे. आणि अक्षय कुमारचा हा चित्रपट बॉक्स ऑफिसवर सनी देओलच्या ‘गदर २’ शी विरुद्ध असणार आहे.