Siddharth Jadhav चा पहिला गाजलेला ‘तो’ सिनेमा आता दिसणार छोट्या
राज ठाकरेंच्या पाडवा मेळाव्यानंतर प्राजक्ता माळीची ‘ती’ सोशल मीडिया पोस्ट आलीये तुफान चर्चेत
कलाकार आणि राजकारण यांचे नाते काही नवीन नाही. अनेक कलाकार अभिनयातून ब्रेक घेत किंवा अभिनय करत राजकारणात देखील त्यांची नवी इनिंग सुरु करताना दिसतात. काही कलाकार राजकारणात सक्रिय नसले तरी राजकारणाची सर्व खबरबात ठेवत राजकारणावर बोलताना किंवा त्यावर कमेंट्स करताना दिसतात.
नुकताच आपण सर्वानी गुढीपाडव्याचा सण अतिशय धुमधडाक्यात आणि जल्लोषात साजरा केला. कोरोनाचे सर्व निर्बंध शिथिल झाल्यामुळे यावर्षीच्या पाडव्याला एक वेगळीच आनंदाची किनार होती.
यावर्षीच्या पाडव्याचे अजून एक वैशिट्य म्हणजे महाराष्ट्र नवनिर्माण सेनेचे अध्यक्ष राज ठाकरे यांनी शिवाजी पार्कमध्ये घेतलेली विशाल अशी जाहीर सभा. सेनेच्या सर्वच पदाधिकारी, कार्यकर्त्यांसाठीचा असणारा हा मेळावा अतिशय गाजला किंबहुना आजही गाजत आहे.
या मेळाव्यामध्ये राज ठाकरे यांनी भाजपाला आणि त्यांच्या भूमिकेला पाठिंबा देत आघाडी सरकारवर तुफान टीकेचे ताशेरे ओढले. या सभेला अनेक दिग्गज मनसे नेते मंडळी उपस्थित होती, मात्र या सर्वांमध्ये अभिनेत्री प्राजक्ता माळी हिने देखील हजेरी लावत लक्ष वेधून घेतले.
नुकतीच प्राजक्ताने तिच्या सोशल मीडिया अकाऊंटवर एक पोस्ट शेअर करत राज ठाकरे यांच्या या जाहीर आणि मोठ्या सभेचा एक व्हिडिओ पोस्ट केला आहे. प्राजक्ताची ही पोस्ट पाहून अनेकांना तिने कोणत्या राजकीय पक्षात प्रवेश केला की काय, असा प्रश्न पडत आहे. मात्र थांबा आणि तिची पोस्ट पूर्ण वाचा.
प्राजक्ता माळी हिने तिच्या पोस्टमध्ये लिहिले की, “‘नाही नाही, कोणत्याही राजकीय पक्षात प्रवेश केला नाही. काल आयुष्यात पहिल्यांदा राजकीय सभा अनुभवली (खूप दिवसांपासून अनुभवायचीच होती) ते फक्त तुमच्याबरोबर शेअर करतेय, इतकाच हेतू. कलाकार नंतर आधी मी माणूस- सामाजिक प्राणी आहे. त्याच्या समृद्धीकरता पण झटायला हवं. जसं फिल्मफेअरला जाणं गरजेचं तसंच हेही, म्हणून हा घाट. (After all आता माझ्या आधार कार्डवर मुंबईचा पत्ता आहे).
प्राजक्ता माळी हिने राजकीय सभेला किंवा कार्यक्रमाला लावलेली हजेरी ही गोष्ट पहिल्यांदाच घडत नाहीये. याआधी देखील ती अनेकदा विविध राजकीय कार्यक्रमांमध्ये दिसली आहे. मात्र आता प्राजक्तची ही पोस्ट वाचून तिच्या राजकीय प्रवेशाच्या बातम्यांना पूर्णविराम दिला आहे.
=====
हे देखील वाचा: हे आहेत भारतामधील विवादित टॉप १० चित्रपट ज्यांच्यावर सेन्सॉरने बंदी घातली…
=====
प्राजक्ता मराठी सिनेसृष्टीतील आघडीची अभिनेत्री असून, ती तिच्या सोशल मीडियावरील पोस्टमुळे अनेकदा प्रकाशझोतात येत असते. प्राजक्ताचा फिटनेस, तिचा अष्टांगयोगा, तिचे सूत्रसंचालन, तिची फॅशन आदी अनेक गोष्टींमुळे प्राजक्ता नेहमीच गाजत असते. सध्या प्राजक्ता ‘महाराष्ट्राची हास्यजत्रा’ या कार्यक्रमाचे सूत्रसंचालन करताना दिसत आहे.