रेणुका शहाणे आणि अमेय वाघ खेळणार ‘कोण होणार करोडपती’चा खेळ 

जनसामान्यांचा  लोकप्रिय  कार्यक्रम म्हणजे ‘कोण होणार करोडपती’. सचिन खेडेकर यांचं बहारदार सूत्रसंचालन हे या  कार्यक्रमाचं खास वैशिष्ट्य आहे. ‘कोण होईल मराठी करोडपती’ हा ई टीव्ही मराठी वाहिनीवर सादर झालेला एक गेम शो होता. सोनी हिंदी वाहिनीवर ‘कौन बनेगा करोडपती’ या कार्यक्रमाच्या लोकप्रियतेमुळे याचे मराठीमध्ये रूपांतर करण्यात आले होते. याचे तीन पर्वे कलर्स मराठी वाहिनी आणि नंतरची पर्वे सोनी मराठी वाहिनीवर प्रदर्शित करण्यात आली होती. या कार्यक्रमाचे सचिन खेडेकर, स्वप्नील जोशी आणि नागराज मंजुळे यांनी विविध पर्वात सूत्रसंचालन केले होते. आणि आता सूत्रसंचालन धूरा सचिन खेडेकर सांभाळत आहेत.या आठवड्यात ‘कोण होणार करोडपती’ या कार्यक्रमाच्या शनिवारच्या ‘विशेष भागात’ रेणुका शहाणे आणि अमेय वाघ हे हॉट सीटवर येणार आहेत.अभिनेत्री रेणुका शहाणे आणि अमेय वाघ ‘कोण होणार करोडपती’चा खेळ मुक्तांगण मित्र या फाउंडेशनसाठी खेळणार आहेत. या पर्वातील हा विशेष भाग असणार आहे आणि या भागात रेणुका शहाणे आणि अमेय वाघ यांच्याशी बर्याच गप्पा रंगणार आहेत.(Kon Honar Crorepati Special Episode)

रेणुका शहाणे आणि अमेय वाघ हे ‘कोण होणार करोडपती’च्या मंचावर व्यक्त होतोना आपल्याला पहायला मिळतील. सचिन खेडेकरां बरोबर त्यांच्या अनेक विषयावर गप्पा रंगणार आहेत. या दोघांनी आधी फार सुंदर अशा कलाकृतींमध्ये एकत्र काम केले आहे. अमेय वाघ आणि सचिन खेडेकर यांचा गाजलेला चित्रपट मुरंबा. मुरंबा चित्रपटाशी निगडित आठवणी या वेळी त्यांनी व्यक्त केल्यात.तसेच रेणुका शहाणे आणि सचिन खेडेकर यांनी सैलाब या हिंदी मालिकेत एकत्र काम केले होते. त्याच्या आठवणी ही ‘कोण होणार करोडपती’च्या मंचावर डोळ्यासमोर उभ्या राहिल्या. यामागचं विशेष कारण म्हणजे रेणुका शहाणे आणि सचिन खेडेकर यांना सैलाब मालिकेचे दिग्दर्शक रवी राय हे व्हिडिओ कॉलद्वारे भेटले. त्या वेळी मालिकेच्या जुन्या आठवणी मंचावर ताज्या होणार आहेत.रेणुका शहाणे आणि अमेय वाघ हे ‘कोण होणार करोडपती’च्या मंचावर मुक्तांगण मित्र या फाउंडेशनसाठी खेळणार आहेत.

मंचावर रेणुका शहाणे आणि अमेय वाघ यांच्या जोडीदारांची सुद्धा चर्चा रंगणार आहे. अमेय आणि साजिरी यांची पहिली भेट ते लग्न असा आत्तापर्यंतचा प्रवास अमेयने या मंचावर सांगितला. तर रेणुका शहाणे आणि आशुतोष राणा यांच्या भेटीचा किस्सा ही ऐकायला मिळणार आहे.

===========================

हे देखील वाचा: ‘कुन्या राजाची गं तू रानी’ लवकरच नवी मालिका प्रेक्षकांच्या भेटीला !

============================

आता मुक्तांगण मित्रसाठी खेळताना ‘कोण होणार करोडपाती’च्या खेळात रेणुका शहाणे आणि अमेय वाघ किती रक्कत जिंकतात, हे पाहणे उत्सुकतेचे ठरेल. ‘कोण होणार करोडपती’ हा विशेष भाग आपल्याला ८ जुलै, शनिवारी रात्री ९ वाजता, सोनी मराठी वाहिनीवर पाहता येईल.