Nana Patekar आता ओटीटी गाजवणार; ‘संकल्प’ वेब सीरीज लवकरच येणार भेटीला

८०च्या दशकापासून खलनायक, नायक अशा विविधांगी भूमिका साकारत प्रेक्षकांच्या मनावर अधिराज्य गाजवणारे नाना पाटेकर (Nana Patekar) आता पुन्हा एकदा हटके भूमिकेतून आपल्या समोर येणार आहेत. मराठी नाटक, चित्रपटांनंतर आता नाना ओटीटी गाजवण्यासाठी सज्ज झाले असून त्याची पहिली वहिली वेब सीरीज लवकरच रिलीज होणार आहे. ‘संकल्प’ (Sankalp Web Series) असं या सीरीजचं नाव असून नुकताच या सीरीजचा टीझर रिलीज झाला आहे.

नाना पाटेकर यांचे बॅक टब बॅक चित्रपट रिलीज झाले. ‘वनवास’, ‘हाऊसफुल्ल ५’, ‘ओ रोमिओ’ या चित्रपटांतनंतर आता ‘संकल्प’ या सीरीजमध्ये ते हटके भूमिका निभावताना दिसणार आहेत. महत्वाचं म्हणजे, नाना पाटेकर यांच्या या वेब सीरिजमध्ये ‘महाराष्ट्राची हास्यजत्रा’ फेम अभिनेत्याचीही वर्णी लागली आहे.

‘संकल्प’ या आगामी वेब सीरिजच्या टीझरमध्ये नाना पाटेकर एका पंडिताच्या भूमिकेत दिसत असून या पंडिताला आदर-सन्मान मिळताना दिसतोय. त्याचबरोबर नाना पाटेकर यांचा राजकारणाशी देखील संबंध असल्याची हिंट मिळतेय. या सीरिजचा टीझर अवघ्या काही सेकंदांचा असला तरी नाना पाटेकर यांचा स्वभाव संयमी दिसून येत असला तरी शेवटी नानांचं आक्रमक रूपही पाहायला मिळतंय. (Sankalp series teaser)

================================

हे देखील वाचा : Nana Patekar करणार होते वर्ल्ड रेकॉर्ड पण नेमकं अडलं कुठे?

================================

‘संकल्प’ या वेब सीरिजमध्ये ‘महाराष्ट्राची हास्यजत्रा’ फेम तेजस राऊतची वर्णी लागली आहे. यापूर्वी, तेजसने नाना पाटेकर यांच्यासोबत ‘वनवास’ मध्येही काम केलं आहे. त्यामुळे आता पुन्हा एकदा तेजस, नाना पाटेकर यांच्यासोबत झळकणार आहे. प्रकाश झा यांनी ‘संकल्प’ या वेब सीरिजचं दिग्दर्शन केलं असून या सीरिजमध्ये कुब्रा सैत, मोहम्मद झिशान आयुब, संजय कपूर यांसारखे अनेक कलाकार पाहायला मिळत आहेत. ‘संकल्प’ ही वेब सीरिज MX प्लेअरवर प्रदर्शित होणार आहे. (Web series 2026)

Get Latest Marathi Entertainment update | Movies Reviews in Marathi | Celebrities Update in Marathi