मिलिंद गवळींनी ‘समृद्धी’ बंगल्यातून बाहेर पडताना आठवण म्हणून नेली ‘ही’
लाखांची गाडी सोडून सारा अली खान ने केला चक्क मुंबई मेट्रोतून प्रवास !
सेलिब्रिटीचा एखादा सिनेमा रिलीज होणार असेल तर ते सोशल मिडीयाच्या माध्यमातून चाहत्यांच्या संपर्कात राहण्याचा प्रयत्न करत असतात. मात्र, सैफ अली खानची मुलगी सारा अली खान सध्या तिच्या चित्रपटांपेक्षा सोशल मीडियावर पोस्ट करत असलेल्या तिच्या मजेशीर व्हिडिओ आणि फोटोंमुळे जास्त चर्चेत असते. आता साराचा आणखी एक व्हिडिओ सोशल मीडियावर चांगलाच व्हायरल होत आहे. ज्यामध्ये सारा अली खान आपली लक्झरी कार सोडून चक्क मुंबई मेट्रोमध्ये प्रवास करत आहे. साराने बुधवारी तिच्या सोशल मीडियावर चाहत्यांना तिच्या प्रवासाची झलक दिली असून या दरम्यान ती अतिशय साध्या लूकमध्ये दिसत आहे. (Sara Ali Khan)
काही दिवसांपूर्वीच सोशल मीडियावर एक व्हिडिओ व्हायरल झाला होता ज्यामध्ये काही महिन्यांत अनेक सेलेब्स मेट्रोने प्रवास करताना दिसले आहेत. नुकताच हेमा मालिनी यांचा सुद्धा एक व्हिडिओ समोर आला होता ज्यात त्यांनीही मेट्रोने प्रवास केला होता. तर आता सारा अली खाननेही मेट्रोच्या प्रवासाचा आनंद लुटला आहे. साराने इन्स्टाग्रामवर शेअर केलेल्या या बूमरॅंग व्हिडिओमध्ये अभिनेत्री मेट्रोच्या सीटवर बसलेली दिसत आहे. त्याचबरोबर कॅमेऱ्याकडे पाहताना ती हाय करतानाही दिसत आहे. याशिवाय लाइफ इन अ मेट्रो हे गाणं बॅकग्राऊंडमध्ये वाजताना ऐकू येतं. व्हिडिओमध्ये साराने मुंबई मेरी जान असं लिहिल आहे. सारा ने पांढरा आणि गुलाबी रंगाचा प्रिंटेड ड्रेस परिधान केला असून ती हसताना आणि हात हलवताना या व्हिडीओमध्ये दिसत असून, मेट्रोतून प्रवास करताना सारा खूप खुश दिसत आहे.
साराच्या येणाऱ्या कमाबद्दल बोलायचे झाले तर, सारा अली खान ‘मेट्रो दीस डेज’ या चित्रपटात आदित्य रॉय कपूरसोबत झळकणार आहे. या चित्रपटाचे दिग्दर्शन अनुराग बासू करत आहेत, या चित्रपटात सारा आणि आदित्य व्यतिरिक्त अनुपम खेर, फातिमा सना शेख, अली फजल, पंकज त्रिपाठी, कोंकणा सेन शर्मा आणि नीता गुप्ता दिसणार आहेत.(Sara Ali Khan)
===================================
===================================
येत्या ८ डिसेंबरला हा चित्रपट प्रदर्शित होणार आहे. याशिवाय साराचा आणखी एक चित्रपट ‘ऐ वतन मेरे वतन’ ओटीटी प्लॅटफॉर्मवर प्रदर्शित होणार आहे. यात सारा एका स्वातंत्र्यसेनानी च्या भूमिकेत पाहायला मिळेल. हा चित्रपट अॅमेझॉन प्राईम व्हिडिओवर प्रदर्शित होणार आहे. या आधी सारा अली खान ‘गॅसलाइट ‘या चित्रपटात दिसली होती, ज्यात तिने विक्रांत मेस्सीसोबत काम केले होते.
