”नवोदित कलाकारांचे द्रोणाचार्य…” अभिनेता सिद्धार्थ जाधव ने अशोक मामांसाठी लिहिलेली खास पोस्ट चर्चेत

गेल्या काही दिवसांपासून सोशल मीडियावर मराठी सिनेसृष्टीतील प्रसिद्ध कलाकार सिद्धार्थ जाधव आणि अशोक सराफ यांचा एक व्हिडिओ तूफान व्हायरल होत आहे. या व्हिडिओला फार कमी वेळात हजारो लाइक्स आणि कमेंट आल्या. अर्थात तो व्हिडिओ व्हायरल होण्यामागे कारण ही तसच आहे. मराठी कलाविश्वातील अत्यंत मानाचा आणि महत्वाचा समजला जाणारा पुरस्कार म्हणजे झी चित्र गौरव पुरस्कार. नुकताच हा पुरस्कार प्रक्षेपित करण्यात आला. याच कार्यक्रमातील सिद्धार्थ जाधव चा एक व्हिडिओ बराच चर्चेत आला होता.ज्या व्हिडीओने तिथे उपस्थित असलेल्या कलाकारांसह तो व्हिडिओ स्क्रीनवर बघणाऱ्याला ही भावुक केले. या कार्यक्रमात मराठी सिनेसृष्टीचे लाडके मामा म्हणजे जेष्ठ अभिनेते अशोक सराफ यांना जीवन गौरव पुरस्कार देऊन त्यांना गौरवण्यात आल. यावेळी मराठी सिनेसृष्टीच्या लाडक्या अशोक मामांना अनोख्या पद्धतीने मानवंदना देण्यात आली. अभिनेता सिद्धार्थ जाधव याने अशोक मामांची भूमिका साकारत त्यांच्या आतापर्यंतचा प्रवास सर्वांसमोर नृत्याच्या माध्यमातून मांडला, शेवटी त्यांचा गळ्यातल फुलांचा हार घालत तो त्यांच्यापुढे नतमस्तक झाला. हे सर्व प्रेम पाहून अशोक सराफ यांना अश्रु अनावर झाले आणि तिथे उपस्थित असलेल्या सगळ्यांचे डोळे पाणावले.(Siddharth Jadhav)

नुकताच रविवारी हा झी चित्र गौरव पुरस्कार टेलीव्हिजनवर दाखवण्यात आला. सिद्धार्थ ने दिलेल्या मानवंदनेचे अनेकांनी कौतुक केले आहे. मात्र आता अशोक मामांना जीवनगौरव मिळताच सिद्धार्थनं स्वतः त्यांच्याबरोबर फोटो शेअर करत एक खास पोस्ट लिहिली आहे.आणि त्याच्या या पोस्टनं आणि फोटोनं त्याची पुन्हा एकदा सोशल मीडियावर चर्चा होतेय. ”अशोक सराफ…अशोक मामा… माझ्यासारख्या कित्तेक नवोदित कलाकारांसाठी असलेले द्रोणाचार्य आणि त्यांची मूर्ती मनात बसवून काम करू पाहणारे आम्ही एकलव्य….त्यांच्या पायाशी कधी बसायला मिळेल असे स्वप्नातही वाटले नव्हते .पण आयुष्यातला हा खूप मोठा क्षण आहे जिथे त्यांच्या आयुष्याची कहाणी त्यांच्या समोर मांडण्याची संधी मला मिळाली. अशोक मामांना ती मनापासून आवडली.. भारावल्या डोळ्यांनी त्यांनी कौतुक केलं.. आशिर्वाद दिले..मामांना जीवन गौरव मिळाला हे आहेच पण त्यांच्यासमोर असा परफॉर्मन्स करून माझ्या जीवनाचं सार्थक झालं….हा क्षण आयुष्यभर माझ्या लक्षात राहील….मनापासून आभार झी मराठी.” असे लिहित सिद्धार्थ ने अशोक सराफ यांच्या बरोबरचा एक फोटो शेअर केला आहे ज्यात तो त्यांच्या पायाजवळ बसला आहे आणि त्याने त्याचे डोक अशोक सराफ यांच्या मांडीवर टेकवून त्यांचे पाय पकडले आहेत. 

सिद्धार्थ ने केलेल्या या पोस्ट वर अनेक चाहत्यांसह कलाकार मंडळीही कमेंट करत सिद्धार्थ च कौतुक करत आहेत. प्रसाद ओक याने कमेंट करत ”खूपच मस्त केलस तू सिद्धू’ अशी कमेंट केली आहे. तर सुव्रत जोशी याने ‘अशोक सराफ तर ग्रेट आहेतच पण त्यादिवशी तू खुप खुप सुंदर सादरीकरण केलसं… तू पण कमाल आहेस भावा!’ अशी कमेंट केली आहे.(Siddharth Jadhav)

========================

(हे देखील वाचा:‘शेवट कधीच सोपा नसतो…! तू तेव्हा तशी मालिकेला निरोप देताना स्वप्निल जोशी भावूक)

=======================

झी चित्र गौरवकडून अशोक सराफ यांचा यंदाचा जीवन गौरव देऊन सन्मान करण्यात आला. या कार्यक्रमादरम्यान जेष्ठ अभिनेते सचिन पिळगावकर आणि महेश कोठारे सुद्धा उपस्थित होते. त्याच बरोबर यंदा ‘पुष्पा’फेम अभिनेत्री रश्मिका मंदानाने या सोहळ्यात खास हजेरी लावून एक धमाकेदार नृत्य सादर केले. तसेच मराठीतली सदाबहार जोडी सचिन पिळगावकर आणि सुप्रिया पिळगावकर यांनी ही बऱ्याच काळानंतर एकत्र धमाकेदार सादरीकरण केले.