सुशांत सिंह राजपूत पुन्हा चित्रपटगृहात दिसणार; एमएस धोनी: द अनटोल्ड स्टोरी होणार रिलीज

सुशांत सिंह राजपूतच्या मृत्यूला 3 वर्षे झाली, पण आजही त्याचे कुटुंबीय, मित्र आणि चाहते त्याला गमावण्याच्या दु:खातून बाहेर येऊ शकलेले नाहीत. सुशांतने त्याच्या कारकिर्दीत अनेक उत्तम चित्रपटांमध्ये काम केले. ‘एमएस धोनी : द अनटोल्ड स्टोरी’ हा त्याचा एक शानदार चित्रपट आहे. भारतीय क्रिकेट संघाचा माजी कर्णधार महेंद्रसिंग धोनी आता भारताचा कर्णधार नसला तरी त्याची लोकप्रियता वाढतच आहे. तो सध्या आयपीएलमध्ये चेन्नईचे नेतृत्व करत आहे आणि त्याची एक झलक पाहण्यासाठी प्रत्येकजण काहीही करतो. त्याचे खासगी आयुष्य जवळून जाणून घेण्यासाठी चाहते खूप उत्सुक असतात. ‘एमएस धोनी : द अनटोल्ड स्टोरी’ हा चित्रपट भारतीय क्रिकेट संघाचा माजी कर्णधार महेंद्रसिंग धोनीच्या जीवनावर आधारित आहे. मोठ्या पडद्यावर ब्लॉकबस्टर ठरलेल्या या चित्रपटाने २०१६ मध्ये प्रेक्षकांची मने जिंकली होती. त्याचबरोबर तो पुन्हा चित्रपटगृहात प्रदर्शित करण्याची तयारी केली जात आहे.(MS Dhoni The Untold Story)

 २०१६ मध्ये प्रदर्शित झालेला हा चित्रपट भारतीय क्रिकेटपटू महेंद्रसिंग धोनीवर आधारित होता. आता हा चित्रपट पुन्हा एकदा प्रेक्षकांच्या भेटीला येणार आहे. मीडिया रिपोर्ट्सनुसार, ‘एमएस धोनी: द अनटोल्ड स्टोरी’ हा चित्रपट 12 मे रोजी पुन्हा प्रदर्शित होणार आहे. हा चित्रपट हिंदी व्यतिरिक्त तेलुगू आणि तमिळ भाषेतही प्रदर्शित होणार आहे. हा चित्रपट ओटीटीवर नाही तर चित्रपटगृहात प्रदर्शित होणार आहे. हा चित्रपट पहिल्यांदा २०१६ मध्ये प्रदर्शित झाला होता. स्टार स्टुडिओने आपल्या अधिकृत ट्विटर हँडलवर एक ट्विट केले आहे. या ट्विटमध्ये स्टार स्टुडिओने माहिती दिली आहे की, सुशांत सिंह राजपूत स्टार ‘एमएस धोनी: द अनटोल्ड स्टोरी’ हा चित्रपट पुन्हा रुपेरी पडद्यावर प्रदर्शित होणार आहे. येत्या १२ मे रोजी ‘एमएस धोनी : द अनटोल्ड स्टोरी’ हा चित्रपट पुन्हा प्रेक्षकांच्या भेटीला येणार आहे.

हा चित्रपट पुन्हा चित्रपटगृहात प्रदर्शित करण्याचा निर्णय घेण्यात आला आहे, असे काय झाले? असा प्रश्न सर्व चाहत्यांना पडला आहे. तर मीडिया रिपोर्ट्सनुसार, या क्रिकेटपटूच्या जादुई क्षणांचा मोठ्या पडद्यावर पुन्हा आनंद लुटणे हा या चित्रपटाच्या पुन्हा प्रदर्शनाचा उद्देश आहे.(MS Dhoni The Untold Story)

====================================

हे देखील वाचा: श्वेता तिवारीच्या दुसऱ्या गरोदरपणाची बातमी ऐकून पलकला बसला होता धक्का

====================================

या चित्रपटात सुशांत अभिनेत्री कियारा अडवाणी आणि दिशा पटानीसोबत मुख्य भूमिकेत दिसला होता. धोनीचा हा बायोपिक सुशांतच्या कारकिर्दीतील मोठा हिट ठरला. सुशांत सिंह राजपूत ‘दिल बेचारा’ या चित्रपटात शेवटचा दिसला होता, 14 जून 2020मध्ये सुशांतने या जगाचा कायमचा निरोप घेतला.