‘फिल्टर पाडा ते थेट पवईचा टॉवर’, Gaurav More च्या स्वप्नातील घर अस्तित्वात
‘शेवट कधीच सोपा नसतो…! तू तेव्हा तशी मालिकेला निरोप देताना स्वप्निल जोशी भावूक
मराठीतला शाहरुख खान अस ज्याला म्हटल जात आणि चॉकलेट हीरो म्हणून ज्याची ओळख आहे असा अभिनेता म्हणजे स्वप्निल जोशी. सिनेमा, मालिका, वेबसिरिज अशा सर्व माध्यमातून काम करुन स्वप्निल ने त्याच्या अभिनयातून स्वतःला सिद्ध केल आहे. गेल्या काही आठवड्यांपासून स्वप्निल जोशी मालिकेच्या माध्यमातून प्रेक्षकांचे मनोरंजन करत आहे. झी मराठी वाहिनीवरील ‘तू तेव्हा तशी’ या मालिकेच्या माध्यमातून स्वप्निल ने बऱ्याच वर्षांनंतर मालिकेत पुनरागम केलं. सौरभ पटवर्धन नावाची भूमिका स्वप्निल यामध्ये साकारत असून त्याच्या या भूमिकेने खुप कमी वेळात प्रेक्षकांच्या मनात स्थान निर्माण केलं. नुकताच या मालिकेने ३०० भागांचा पल्ला गाठला होता. मात्र आता या मालिकेच्या चाहत्यांसाठी वाईट बातमी आहे. ‘तू तेव्हा तशी’ ही मालिका लवकरच प्रेक्षकांचा निरोप घेणार आहे. या मालिकेचा शेवटचा एपिसोड आता टेलिकास्ट होईल. दरम्यान आता भावूक होत स्वप्निल ने सोशल मिडीयावर एक पोस्ट शेअर केली आहे.(Swapnil Joshi)
सेटवरील एक व्हिडिओ शेअर करत स्वप्निल ने लिहिलय, ”शेवट कधीच सोपा नसतो! आज रात्री T3 संपत आहे. या मालिकेतील शेवटचा शॉट माझ्या कारकिर्दीतील सर्वात कठीण शॉट्सपैकी एक होता. ते तांत्रिकदृष्ट्या कठीण होते म्हणून नाही, तर संपूर्ण युनिट तिथे उभं राहून आम्हाला पाहत होतं. सगळ्यांच्या डोळ्यात त्यावेळी आनंदाश्रू होते. इथे तयार झालेले बंध आणि हे आनंदाश्रू! आमचे संपूर्ण युनिट आणि आमचं झीचं कुटुंब यावेळी सर्वांचे डोळे पाणावले होते. ‘पुढे स्वप्नील म्हणाला आहे, ‘आम्ही आमच्या कामाला कौटुंबिक कार्यक्रम म्हणतो!’ आम्हाला त्याचा अभिमान वाटतो. कारण आम्ही एकत्र राहतो, आम्ही एकत्र हसतो, आम्ही एकमेकांवर प्रेम करतो, आता मालिका संपणार असल्याने आम्ही रोज भेटणार नसलो तरी आम्ही नेहमीच या कुटुंबाचा एक भाग असू!’ अशा शब्दात स्वप्नीलने त्याच्या भावना व्यक्त केल्या आहेत.
‘तू तेव्हा तशी’ या मालिकेतुन अभिनेता स्वप्निल जोशी अभिनेत्री शिल्पा तुळसकर ही नवी जोडी प्रेक्षकांना पाहायला मिळाली होती. या दोघांनीही बऱ्याच काळानंतर मालिकांमध्ये पुनरागमन केले होते, अनामिका व सौरभ ही जोडी प्रेक्षकांच्या चांगलीच पसंतीस उतरली. कॉलेजमध्ये एकमेकांवर प्रेम करणारे अनामिका आणि पट्या अनेक वर्षांनी एकमेकांना भेटतात आणि पुन्हा नव्यानं एकमेकांच्या प्रेमात पडतात. या दोघांच्या प्रेमाची गोष्ट या मालिकेत मांडण्याचा प्रयत्न करण्यात आला होता.(Swapnil Joshi)
=========================
=========================
तू तेव्हा तशी या मालिकेत स्वप्निल जोशी आणि शिल्पा तुळसकर बरोबरच सुहास जोशी, अभिज्ञा भावे, रूमानी खरे, स्वानंद केतकर हे कलाकार सुद्धा महत्वाच्या भूमिकेत होते. ‘तू तेव्हा तशी’ ही मालिका रात्री ८ वाजता दाखवली जायची. आता या मालिकेने निरोप घेतल्यानंतर त्या जागी ‘तुला शिकवीन चांगलाच धडा’ ही नवी मालिका सुरू होणार आहे. या मालिकेत शिवानी रांगोळे व हृषिकेश शेलार हे कलाकार मुख्य भूमिकेत पहायला मिळतील.