Mrunmayee Deshpande : ‘मना’चे श्लोक’चा भन्नाट टीझर प्रदर्शित
Tejas Movie Teaser: ‘भारत को छेड़ोगे तो छोड़ेंगे नहीं’ कंगना रणौतच्या ‘तेजस’ चा धमाकेदार टीजर आला समोर !
कंगना रणौत चा नुकताच दाक्षिणात्य डेब्यू चित्रपट ‘चंद्रमुखी २’ प्रदर्शित झाला. हा चित्रपट बॉक्स ऑफिसवर चांगली कमाई करताना पहायला आहे. चित्रपट असो किंवा राजकीय मत कंगना रणौत अगदी स्पष्टपणे सगळीकडे नेहमीच व्यक्त होताना दिसते. इतकंच नव्हे तर अगदी सोशल मीडियावरही ती चांगलीच सक्रिय असते. दरम्यान, कंगना रणौतने तिचा आगामी ‘तेजस’ चित्रपटाचा टीझर व्हिडिओ रिलीज करत चाहत्यांना मोठ सरप्राईज दिल आहे. टीझरमध्ये कंगना राणावत भारतीय हवाई दलाच्या महिला वैमानिकाच्या भूमिकेत दिसत आहे. कंगना राणावतला या यूनिफॉर्ममध्ये पाहून प्रेक्षकांची या सिनेमाबद्दलची उत्सुकता वाढली आहे. व्हिडिओच्या बॅकग्राऊंड मध्ये अभिनेत्री सोनाक्षी सिन्हाचा आवाज ऐकू येत आहे. ज्यामुळे टीझर एका वेगळ्या स्तरावर रोमांचक बनतो. भारतीय हवाई दलाचे लढाऊ विमान उडवण्यासाठी सज्ज झालेली कंगना रणौत रणांगणावर शत्रूंवर गोळीबार करण्यासाठी निघाली आहे.(Tejas Movie Teaser)
गांधी जयंतीच्या निमित्ताने कंगना रणौत आणि निर्माते आरएसव्हीपी मुव्हीज यांनी त्यांच्या ‘तेजस’ चित्रपटाचा टीझर एक्स वर शेअर केला आहे. या शॉर्ट क्लिपमध्ये कंगना फ्लाइंग सूट परिधान करून एअरफोर्स स्टेशनवरून उड्डाण करण्याच्या तयारीत दिसत आहे. राणावतला यूनिफॉर्ममध्ये पाहून प्रेक्षक अवाक झाले आहेत .भारतीय हवाई दलाचे लढाऊ विमान उडवण्यासाठी सज्ज असलेली कंगना रणौत शत्रूंवर गोळ्या झाडण्यासाठी निघाली आहे. पुढे काय होणार हे चित्रपट प्रदर्शित झाल्यानंतरच कळेल.टीझर रिलीज करण्यापूर्वी कंगना रणौतने चित्रपटाचे नवे पोस्टर रिलीज केले ज्यात ती वेगवेगळ्या अवतारात दिसली होती .
या चित्रपटाचा ट्रेलर ८ ऑक्टोबरला चित्रपटगृहात प्रदर्शित होणार आहे, तर २७ ऑक्टोबरला हा चित्रपट चित्रपटगृहात प्रदर्शित होणार आहे. या चित्रपटाचे दिग्दर्शन सर्वेश मेवाड़ा यांनी केले आहे. तर निर्माते रॉनी स्क्रूवाला. यापूर्वी कंगना रणौतचा ‘चंद्रमुखी 2’ हा चित्रपट 28 सप्टेंबररोजी रिलीज झाला आहे. बॉक्स ऑफिसवर तो उत्तम कलेक्शन करत आहे.(Tejas Movie Teaser)
=====================
=====================
आगामी चित्रपटांबद्दल बोलायचे झाले तर ‘तेजस’व्यतिरिक्त ‘इमर्जन्सी’ खूप चर्चेत आहे. कंगना तिच्या चित्रपटांव्यतिरिक्त तिच्या स्पष्टवक्तेपणासाठीही ओळखली जाते. करण जोहरसोबतच्या त्याच्या संभाषणाने सोशल मीडियावर खूप लक्ष वेधून घेतलं.