प्रतीक्षा संपली! रितेश-जिनिलीयाचा ‘वेड’ घरबसल्या पाहता येणार; पहा कुठे आणि कधी?
काही सिनेमे प्रेक्षकांच्या मनात एक वेगळ स्थान तर मिळतातच पण त्यांच्या डोक्यातूनही तो सिनेमा जात नाही. असाच एक मराठी सिनेमा म्हणजे ‘वेड’. एका दाक्षिणात्य चित्रपटाचा मराठी रिमेक बॉक्स ऑफिसवर एक वेगळाच इतिहास रचेल असं कोणलाही वाटलं नव्हतं, पण रितेश देशमुख आणि जिनिलिया देशमुख यांच्या ‘वेड’ या चित्रपटाने संपूर्ण महाराष्ट्राला वेड लावलं होतं. मागच्या वर्षी डिसेंबर महिन्यात हा चित्रपट प्रदर्शित झाला होता. या चित्रपटानं बॉक्स ऑफिसवर अक्षरक्ष: धुमाकूळ घातला होता. रितेश आणि जेनिलियानं साकारलेल्या सत्या आणि श्रावणी या दोन पात्रांवर प्रेक्षकांनी भरभरून प्रेम केले. रितेश आणि जेनिलिया हे कपल अनेकांचे आवडते कपल आहे. मात्र या सिनेमाच्या निमित्ताने त्यांची केमेस्ट्री पुन्हा एकदा प्रेक्षकांच्या पसंतीस उतरली.(Ved Movie Ott Release)
जेनिलियाचा हा पहिलाच मराठी चित्रपट होता मात्र अस जरी असल तरीही तिने सिनेमात साकारलेल्या श्रावणीने प्रेक्षकांच्या मनात वेगळं स्थान निर्माण केलं.या चित्रपटाने बॉक्स ऑफिसवर जबरदस्त कमाई केली. ७५ कोटींहून अधिक कमाई करणारा ‘सैराट’नंतर हा दूसरा चित्रपट ठरला. १०० कोटींचा टप्पा पार केला नसला तरी या चित्रपटाने प्रेक्षकांना चांगलीच भुरळ घातली. या दरम्यान शाहरुख खान चा पठान हा सिनेमा सुद्धा रिलीज झाला होता मात्र एवढी स्पर्धा असताना देखील वेड सिनेमाने बॉक्स ऑफिसवर आपली जादू शेवटच्या आठवड्यापर्यंत कायम ठेवली.
वेड सिनेमाच्या कौतुकामुळे ज्यांनी वेड हा सिनेमा पाहिला ज्यांना तो पाहता आला नाही असे सर्वच जण हा सिनेमा ओटीटी प्लॅटफॉर्म वर कधी येईल याची वाट पाहत होते आणि अखेर याची माहिती समोर आली आहे.स्वतः रितेश देशमुख ने याबद्दलची माहिती चाहत्यांबरोबर शेयर केलेली आहे. रितेश देशमुखने त्याच्या सोशल मीडिया अकाऊंटच्या माध्यमातून ‘वेड’च्या ओटीटी प्रदर्शनाबद्दल खुलासा केला आहे. चित्रपटगृहापाठोपाठ आता ‘वेड’ ओटीटीवरही धुमाकूळ घालण्यास सज्ज आहे.(Ved Movie Ott Release)
===============================
हे देखील वाचा: ‘मी होणार सुपरस्टार जल्लोष ज्युनियर्सचा’च्या मंचावर अंकुश चौधरीला अश्रू अनावर
===============================
येत्या २८ एप्रिल पासून ‘वेड’ हा चित्रपट ‘डिज्नी प्लस हॉटस्टार’ या ओटीटी प्लॅटफॉर्मवर बघायला मिळणार आहे. त्याबरोबर हा सिनेमा फक्त मराठीच नाही तर हिंदी भाषेमध्ये सुद्धा पाहता येणार आहे त्यामुळे इतर भाषिक प्रेक्षकांनासुद्धा या सिनेमाचा आनंद आता घेता येणार आहे.’वेड’ हा चित्रपट 30 डिसेंबर 2022 रोजी प्रदर्शित झाला होता. या चित्रपटात रितेश-जिनिलियाबरोबरच अभिनेते अशोक सराफ, शुभंकर तावडे, जिया शंकर यांच्याही महत्वपूर्ण भूमिका होत्या .त्याबरोबर भाईजान म्हणजेच सलमान खान ही सिनेमात पाहुणा कलाकाराच्या भूमिकेत झळकला होता.
