व्हायरल पोस्ट: ‘…हे पुरुषाचं खरं पुरुषत्व आहे’ – अभिनेत्री उर्मिला निंबाळकर
मनोरंजनविश्वात वावरणाऱ्या अनेक अभिनेत्री या त्यांच्या बिनधास्त बोलण्यासाठी ओळखल्या जातात. सोशल मीडियावर या अभिनेत्री त्यांची परखड मते नेहमीच मांडत असतात. यामध्ये मराठी अभिनेत्री देखील मागे नाहीत.
मराठी मनोरंजनविश्वातील अनेक अभिनेत्री त्यांच्या स्पष्ट मतांसाठी ओळखल्या जातात. कोणत्याही विषयावर मत मांडणे, ट्रोलर्सला फाटकारने आदी अनेक गोष्टी त्या लीलया करतात. अशीच एक मराठीमधील प्रसिद्ध अभिनेत्री आणि यूटुबर असलेली उर्मिला निंबाळकर तर सर्वांना माहीतच आहे. उर्मिला नेहमीच तिच्या सोशल मीडिया अकाऊंटवरून वेगवेगळ्या विषयांवर पोस्ट शेअर करताना दिसते. सोशल मीडियावरील सर्वात सक्रिय अभिनेत्री असलेली उर्मिला काही महिन्यांपूर्वीच आई झाली.
उर्मिलाने तिच्या यूट्यूब चॅनेलच्या आणि पोस्टच्या माध्यमातून तिच्या या सुंदर प्रवासाची माहिती लोकांना दिली. उर्मिलाला अनेकदा तिच्या पोस्टमुळे ट्रोलिंगचा देखील सामना करावा लागला, मात्र याकडे पूर्णपणे दुर्लक्ष करत ती तिचे काम करते.
=====
हे देखील वाचा: प्रेमा काय देऊ तुला? – अशोक सराफ यांना उद्देशून निवेदिता सराफ यांनी केली खास पोस्ट शेअर
====
नुकतीच उर्मिलाने तिच्या इंस्टाग्राम अकाउंटवरून एक पोस्ट शेअर केली असून, ही पोस्ट तिने तिच्या नवऱ्याला उद्देशून लिहिली आहे. तिने तिच्या पोस्टमध्ये तिच्या नवऱ्याचा आणि मुलाचा फोटो शेअर करत लिहिले, “त्याला लाज नाही वाटत, बाळाला पोटाशी बांधून फिरायला न्यायची. बघतात फिरताना लोक नजर रोखून, बिघडलीय आत्ताची पिढी, असंही मनात म्हणत असतील. पण बाळाचे लंगोट बदलण्यापासून, ते माझ्या शुटिंगच्या दरम्यान, त्याला संपूर्णपणे सांभाळण्यापर्यंत तो सगळं मनापासून आनंदाने करत असतो. आणि हे सगळं स्वतःचं उत्तमरित्या करिअर सांभाळून!”
पुढे उर्मिलाने लिहिले, ” जेव्हा आयुष्याचा जोडीदार असं म्हटलं जातं, तेव्हा बाळ सांभाळण्याची जबाबदारी मात्र फक्त स्त्रीवर येऊन पडते. दूधासाठी बाळाला आईच हवी पण इतर सर्व कामे, पुरुष उत्तम करु शकतात, ज्यांनं स्त्रीला पुरेशी विश्रांतीही मिळते आणि तिच्या करिअरकडे तिला लक्ष देण्यासाठी थोडी उसंतही.
मी आणि सुकीर्त एका प्रायोगिक नटकाच्या संस्थेत भेटलो, तेव्हाही तो स्रीयांच्या प्रश्नाकडे अतिशय कळकळीने, आदराने पहायचा. लग्न झाल्यानंतरही उचित ठिकाणी त्यानं स्वतःच्या आयुष्यातील प्रत्त्येक स्त्रीची बाजू घेतली. त्याच्या आईची बाजू, सहकारी, मी, माझी आई, मैत्रीण सर्वांचं म्हणणं अतिशय empathetically त्याला समजून घेतां येतं. जेव्हा बाळ झालं तेव्हाही पठ्ठ्यानं साथ सोडली नाही. हे पुरुषाचं खरं पुरुषत्व आहे.”
====
हे देखील वाचा: देवमाणूस फेम अभिनेता किरण गायकवाडचा पुढचा प्रवास होणार फक्त ‘हिच्यासोबत’
====
सध्या उर्मिलाची ही पोस्ट खूपच व्हायरल होत असून, अनेकांनी तिचे तिच्या या पोस्टबद्दल कौतुक केले आहे. उर्मिला अतिशय उत्तम अभिनेत्री असण्यासोबतच प्रसिद्ध यूटुबर देखील आहे. ती नेहमीच तिच्या यूट्यूब चॅनेलवर, मेकअप, प्रवास, त्वचेची काळजी आदी विषयांवरील विविध व्हिडिओ शेअर करत असते.
