Border 2 : सनी देओलचा ‘बॉर्डर’मधला ‘तो’ आयकॉनिक सीन पुन्हा पाहता येणार!

सध्या बॉलिवूडमध्ये बायोपिक्स, सीक्वेन्स किंवा देशभक्तीवर चित्रपटांची रेलचेल दिसतेय. गेल्या काही दिवसांपासून ‘बॉर्डर २’ चित्रपटाची जोरदार चर्चा सुरु आहे. खरं तर १९९७ मध्ये आलेल्या ‘बॉर्डर’ चित्रपटाने सनी देओलला (Sunny deol) नवी ओळख दिली होती. या चित्रपटातील प्रत्येक सीन, गाणी आणि डायलॉग आयकॉनिक आहेतच. आणि आता याच चित्रपटातील एक आयकॉनिक सीन बॉर्डर २ मध्ये प्रेक्षकांना पाहायला मिळणार आहे. (Bollywood sequel movies)

बहुप्रतिक्षित ‘बॉर्डर २’ चित्रपटात सनी देओलसोबत वरुण धवन (Varun Dhawan) आणि अहान शेट्टी (Ahan Shetty) देखील दिसणार आहेत. चित्रपटाबद्दल मिळालेल्या माहितीनुसार १९९७ च्या बॉर्डर चित्रपटात एक रॉकेट लॉन्च सीन दाखवण्यात आला होता. सनी देओल पाकिस्तानशी लढत असताना हा सीन तुम्ही पाहिला असेलच. या सीनवेळी देओल खांद्यावर रॉकेट उचलून शत्रूंना जोरदार टक्कर देतो. आता ‘बॉर्डर २’ मध्येही असाच एक सीन प्रेक्षकांना पुन्हा एकदा पाहायला मिळणार आहे.ईटाइम्सने दिलेल्या वृत्तानुसार, गदर चित्रपटाप्रमाणे ‘बॉर्डर २’ मध्येही हाय व्होल्टेज अ‍ॅक्शन सीन असणार आहेत. (Entertainment tadaka)

================================

हे देखील वाचा: Lata Mangeshkar : ….नाहीतर आज लता दीदी चित्रपट निर्मात्या असत्या!

=================================

दरम्यान, १९९७ च्या ‘बॉर्डर’ चित्रपटाचं दिग्दर्शन जे.पी.दत्ता यांनी केलं होतं तर आता ‘बॉर्डर २’ चं दिग्दर्शन अनुराग सिंग करणार आहे. भरपूर अ‍ॅक्शनने ओतप्रोत भरलेल्या सनी देओलच्या या चित्रपटाची त्याचे चाहते आतुरतेने वाट पाहात आहेत. सध्या चित्रपटाचं शुटींग सुरु असून बॉर्डर २ चित्रपटगृहात २३ जानेवारी २०२६ मध्ये रिलीज होणार असं सांगितलं जात आहे.(Bollywood news)