अब्दू रोजिकची मालिका विश्वात एंट्री; ‘या’ मालिकेत महत्त्वाची भूमिका साकारणार 

सोशल मीडिया इन्फ्लुएंसर आणि बिग बॉस सीझन 16 चा स्पर्धक अब्दू रोजिकने आपल्या क्यूट स्टाईलने सर्वांची मने जिंकली आहेत. अब्दू त्याच्या वैयक्तिक आयुष्यापासून ते प्रोफेशनल लाईफमुळे सोशल मीडियावर नेहमीच चर्चेत असतो. बिग बॉसच्या घरात अब्दूने सर्वांचे भरपूर मनोरंजन केले. यानंतर तो ‘खतरों के खिलाडी 13’ या रिअॅलिटी शोमध्ये पाहुणा म्हणून दिसला होता.या सर्व  शोमुळे अब्दूची लोकप्रियता वाढली असतानाच रंगीबेरंगी दुनियेची दारंही त्याच्यासाठी खुली झाली आहेत. अब्दू रोजिक लवकरच एका लोकप्रिय टीव्ही मालिकेत अभिनय कौशल्य दाखवताना दिसणार असल्याची माहिती समोर येत आहे. जाणून घेऊया आहे हा शो नेमका कोणता आहे  आणि कधी प्रसारित होणार आहे.मात्र ही बातमी ऐकताच अब्दूचे चाहते खूप खुश झाले आहेत हे नक्की.(Abdu Rozik Television Debut)

तीन महिन्यांहून अधिक काळ ‘बिग बॉस १६’चा भाग असलेल्या अब्दू रोजिकने आपल्या निरागसतेने आणि आवाजाने चाहत्यांना वेड लावले. 19 वर्षीय गायक बिग बॉसमध्ये भाग घेणारा अब्दू या सर्वात तरुण स्पर्धकांपैकी एक होता. सलमान खानने होस्ट केलेल्या या शोचा भाग झाल्यापासून अब्दू भारतात अनेकदा चर्चेत आला आहे. परिणामी, नुकताच टेलिव्हिजनवर प्रदर्शित न झालेल्या ‘खतरों के खिलाडी १३’ या चित्रपटातही त्याने पाहुणा म्हणून काम केले आहे.आता समोर आलेल्या माहितीनुसार  ताजिकिस्तानचा गायक अब्दू रोजिक ‘प्यार का पहला नाम: राधा मोहन’ या मालिकेतून टीव्ही मालिकेत प्रवेश करणार आहे. राधा मोहन यांच्या आगामी मालिकेत मोहन आणि तुळशीची मुलगी गुनगुन तिचा वाढदिवस साजरा करताना तो दिसणार आहेत. नंतर समोर येणार आहे की अब्दूच्या व्यक्तिरेखेचा हेतू गुनगुनला इजा पोहोचवण्याचा नव्हता, तर तो दामिनीची आज्ञा पाळत होता. त्यानंतर गुनगुन आणि अब्दू चांगले मित्र होणार आहेत आणि तो तिला पुन्हा दामिनीपासून वाचवणार आहे. लवकरच अब्दु च्या या मालिकेच्या शूटिंग ला सुरुवात होणार आहे. 

आपल्या क्यूटनेसने सर्वांची मने जिंकणाऱ्या अब्दूच्या प्रोफेशनल लाईफवर नजर टाकली तर अब्दूने स्वत:चा स्टार्टअप केला आहे. गेल्या महिन्यात त्यानी मुंबईत एक रेस्टॉरंट सुरू केलं होतं. रेस्टॉरंटच्या लाँचिंगच्या वेळी तो चर्चेत होता. काही लोकांनी त्याने भरलेल्या बंदुकीने खेळ खेळला अशी खोटी बातमी पसरवून त्याच्याविरोधात एफआयआर दाखल करण्याचा प्रयत्न केला होता.(Abdu Rozik Television Debut)

=========================

हे देखील वाचा: Nora Fatehi बनली आंतरराष्ट्रीय गायिका; तिच्या सेक्सी व्हिडीओने घातला धुमाकूळ

=========================

त्यानंतर “लाँचिंगच्या वेळी मी एका सुरक्षा रक्षकाला विचारले की त्याच्याकडे असलेली बंदूक खरी आहे की खोटी. त्याने ते माझ्या हातात दिले आणि म्हणाला, ‘तुम्हीच बघा’ मी जेमतेम काही सेकंद ते धरून ठेवले आणि लगेच परत केले.” असं यावर अब्दूने स्पष्टीकरण दिले होते.