Karate Kid Legends : अजय आणि युग देवगणच्या चित्रपटाने भारतात
Virat Kohli : “या प्रवासात तुझी प्रगती होताना पाहणं म्हणजे भाग्यच”; अनुष्काची भावूक पोस्ट
किंग कोहली अर्थात सगळ्यांचा लाडका विराट कोहली (Virat Kohli) याने नुकतीच टेस्ट क्रिकेट सामन्यांमधून निवृत्ती घेतल्याचं जाहिर केलं. कोहलीच्या चाहत्यांना खरं तर हा धक्काच आहे. जगभरातील विविध क्षेत्रांमधील त्याचे चाहते त्याला भावूक निरोप देत आहेत. अशात विराटची बायको अभिनेत्री अनुष्का शर्मा (Anushka Sharma) हिने विराटसाठी खास पोस्ट लिहिली आहे. सोशल मिडियावर सध्या पोस्ट व्हायरल झाली असून त्यात तिने “या प्रवासात तुझी प्रगती होत असताना पाहणं हे खरोखर माझं भाग्यच,” असं लिहिलं आहे. (Bollywood trending news)
अनुष्काने विराटचा कसोटी सामन्यानंतरचाच एक फोटो शेअर करत लिहिले आहे की, “क्रिकेटविश्वात तू रचलेले विक्रम आणि माईलस्टोन याबद्दल सगळे बोलतील…पण या सगळ्यात तू सर्वांपासून लपवलेले अश्रू, कोणीही न पाहिलेला संघर्ष आणि या खेळावर तुझं असलेलं अढळ प्रेम हे सगळं मी पाहिलं आहे. मला माहितीये या दरम्यान तू काय काय गमावलं आहेस. प्रत्येक कसोटी मालिकेनंतर तू आणखी अनुभवी, आणखी थोडा नम्र होऊन परत आलास…या प्रवासात तुझी प्रगती होत असताना पाहणं हे खरोखर माझं भाग्यच.”
पुढे अनुष्काने लिहिलं आहे की, “तरी, एक दिवस तू व्हाईट बॉल आंतरराष्ट्रीय क्रिकेटमधून निवृत्ती घेणार याची कल्पना होतीच. पण तू कायम तुझ्या मनाचं ऐकलंस आणि माय लव्ह आज मला तुला हेच सांगायचंय की तुला मिळत असलेला हा भावुक निरोप यासाठी तू नक्कीच पात्र आहेस.” (Entertainment)
================================
=================================
दरम्यान, विराट कोहलीच्या क्रिकेटमधील कारकिर्दीला सिनेसृष्टीतील त्याचे चाहते आणि मित्र परिवार शुभेच्छा देत आहेत. तर, गेला काही काळ अनुष्का शर्मा मोठ्या पडद्यापासून दूर असून २०१८ मध्ये आलेला Chakda Xpress तिचा शेवटचा चित्रपट होता. त्यानंतर अद्याप ती चित्रपटात झळकली नाही आहे. खरं तर फार पुर्वी एका मुलाखतीमध्ये लग्न झाल्यानंतर मला हाऊस वाईफ व्हायला आवडेल असं अनुष्का म्हणाली होती. तेच स्वप्न ती पुर्ण करत असल्याचं दिसून येत आहे. (Anushka Sharma movies)