Marathi Movies: ‘एप्रिल मे ९९’ सलग ३० दिवस चित्रपटगृहांत!

मराठी चित्रपटांना पुन्हा एकदा सुगीचे दिवस आले आहेत असं नक्कीच म्हणावं लागेल… ‘गुलकंद’, ‘आता थांबायचं नाय’ या चित्रपटांच्या यशानंतर ‘एप्रिल मे ९९’ हा चित्रपटही प्रेक्षकांचं मन जिंकत आहे. २३ मे २०२५ रोजी रिलीज झालेल्या या चित्रपटाने यशस्वीपणे थिएटरमध्ये ३० दिवस पुर्ण केले आहेत.(Marathi movies 2025)

मापुस्कर ब्रदर्सच्या ‘एप्रिल मे ९९’ चित्रपटात ९० च्या दशकातली निरागस मैत्री, उन्हाळ्याची मजा आणि शाळकरी आठवणी सुरेख पद्धतीने मांडण्यात आल्या आहेत. हा चित्रपट प्रत्येक प्रेक्षकाला त्याच्या बालपणी घेऊन जातोच… दरम्यान, केवळ प्रेक्षकांनीच नाही तर चित्रपटसृष्टीतील कलाकार व समीक्षकांनीही या चित्रपटाचे भरभरून कौतुक केले आहे.

================================

हे देखील वाचा: Amruta Subhash हिच्या चित्रपटाचं बॉक्स ऑफिसवर ‘जारण’

=================================

एप्रिल मे ९९ या चित्रपटाचं दिग्दर्शन रोहन मापुस्कर यांनी केलं असून राजेश मापुस्कर यांनी निर्मिती केली आहे. या चित्रपटात श्रेयस थोरात, मंथन काणेकर, आर्यन मेंगजी व साजिरी जोशी यांनी दमदार अभिनय केला आहे. तसेच, बॉक्स ऑफिसवर या चित्रपटाने आत्तापर्यंत १.२४ कोटींची कमाई केली आहे. (Marathi entertainment news)

Get Latest Marathi Entertainment update | Movies Reviews in Marathi | Celebrities Update in Marathi