Bigg Boss Marathi 6च्या घरात करण-प्राजक्ताचा सुरु आहे रोमान्स; ‘तो’ खास क्षण झाला कॅमेरात कैद !
सततच्या वाद-विवादांमुळे चर्चेत राहिलेल्या Bigg Boss Marathi च्या सहाव्या पर्वात आता एक वेगळीच हवा पाहायला मिळते आहे. आणि ती म्हणजे प्रेमाची. सुरुवातीला रुचिता-विशाल आणि नंतर करण-प्राजक्ताच्या जवळीकीची चर्चा रंगली होती. करणने आपल्या भावना प्राजक्तासमोर स्पष्ट केल्यानंतर ही केवळ अफवा नसून त्यांच्या नात्यात काहीतरी खास घडत असल्याचं आता घरातील सदस्यांसह प्रेक्षकांनाही जाणवू लागलं आहे. कॅप्टन्सी टास्कदरम्यान घरात एक आगळावेगळा रंग पाहायला मिळाला. या टास्कमध्ये प्रत्येक सदस्याने फळांची भूमिका साकारली. प्राजक्ता (Prajakta Shukre) ‘स्ट्रॉबेरी’ तर करण (Karan Sonawane) ‘संत्रं’ बनला होता. प्रोमोमध्ये बिग बॉस स्ट्रॉबेरी बनलेल्या प्राजक्ताचं कौतुक करताना म्हणतात की ती खूप छान दिसते आहे. त्यावर प्राजक्ता गोड लाजते, हसत “थँक्यू” म्हणते. तिच्या मागे उभा असलेला करणही नकळत लाजताना दिसतो. हे पाहून बिग बॉस मिश्कीलपणे विचारतात, “स्ट्रॉबेरीचं कौतुक केल्यावर संत्रं का लाजलं?” आणि मग दोघांच्याही चेहऱ्यावर उमटलेलं हसू सगळंच सांगून जातं. (Bigg Boss Marathi 6)
यानंतर फळांच्या बोर्डच्या आडून एकमेकांची छेड काढताना दिसलेले करण-प्राजक्ता प्रेक्षकांच्या चर्चेचा विषय ठरले. हा केवळ खेळाचा भाग नाही, तर त्यांच्या नात्यातील गोडवा आहे, असं अनेक नेटकऱ्यांचं मत आहे. याआधी करणने प्राजक्तासमोर मन मोकळं केलं होतंच. घरातील इतर सदस्यांमधील चर्चांमुळे वातावरण तापलेलं असतानाही करणने स्पष्ट सांगितलं, “आमच्यामध्ये प्रेम असेल, मैत्री असेल, लग्न असेल, पण आम्ही Individual खेळतो.” राकेशने त्याला सल्ला देताना म्हटलं, “तू फक्त तिला जप. तिच्या भावनांना सांभाळ.”
प्राजक्ताबद्दल बोलताना करण भावुक होत म्हणतो, “आयुष्यात मी कोणासोबत एवढं कनेक्ट नाही झालेलो. मला काळजी वाटायला लागली तुझी. असं कोणासोबत राहिलो नाहीये मी. मला इथं पहिल्यांदा फील झालं. आधी माझ्या आई-वडिलांना त्रास झाला की, मला त्रास होतो. एवढ्या वर्षात माझ्या आयुष्यात कधीच नव्हतं झालं. एवढ्या वर्षांचा बंद रस्ता होता, तो आता सुरू झाला, म्हणून मी बोलायला टाळत होतो. मला इमोशनल नाही व्हायचंय, पण मला तो बांध नाही फोडायचा. आपण जेन्युईन असतो.” त्यावर प्राजक्ता शांतपणे म्हणते, “एवढा विचार नको करूस, मला माझं आयुष्य बिग बॉस नंतरचं पण महत्वाचं आहे. लोक लक्षात ठेवतात.”(Bigg Boss Marathi 6)
=============================
=============================
घरातले समीकरणे बदलत असताना करण-प्राजक्ताची ही जोडी काहींना खूप आवडते आहे, तर काहींना ती फक्त गेम स्ट्रॅटेजी वाटते. पण एक गोष्ट मात्र नक्की. या नात्याने घरात एक वेगळाच गोडवा आणला आहे.