Bigg Boss Marathi Season 6 घरात पुन्हा वाद; “बोलायला फाटते तुझी…” म्हणत विशाल ने राकेशला दिले खुले चॅलेंज
अनपेक्षित घडामोडी, बदलणारी समीकरणं आणि क्षणात उलटणारे खेळ हेच तर Bigg Boss Marathi चं खरं वैशिष्ट्य! बिग बॉस च्या घरात कधी घट्ट मैत्री जुळते, तर कधी तीच नाती एका क्षणात तुटतात. सध्या मात्र घरात एक वेगळंच समीकरण चर्चेत आहे “टोळी विरुद्ध बाकीचे सदस्य”. घरात तयार झालेल्या या तथाकथित ‘टोळी’चा सरदार मानला जातो Vishal Kotian. त्याच्यासोबत Ruchita Jadhav, Anushree Mane आणि Roshan Bhanushali हे सदस्य दिसतात. अधूनमधून Sagar Karande देखील या गटात सामील होण्याचा प्रयत्न करताना दिसतो.(Bigg Boss Marathi Season 6)
घरातील वातावरण पाहता, हा खेळ आता स्पष्टपणे “टोळी vs इतर सदस्य” असा रंग घेताना दिसतो आहे. काही जणांचं मत आहे की, जसजसे इतर सदस्य घराबाहेर पडतील, तसतसे शेवटी या टोळीतील सदस्यांनाच एकमेकांविरोधात उभं राहावं लागेल. ही चर्चा फक्त घरातच नाही तर प्रेक्षकांमध्येही रंगताना दिसते आहे.
दरम्यान, नुकत्याच समोर आलेल्या प्रोमोने वातावरण आणखी तापवलं आहे. पहिल्याच आठवड्यापासून Raqesh Bapat आणि विशाल यांच्यातील तणाव स्पष्ट जाणवत होता. आता मात्र हे दोघे थेट आमनेसामने आल्याचं दिसतं. किचन मढ़ई झालेल्या वादात विशाल राकेशला सुनावतो, “बोलायला फाटते तुझी…” त्यावर राकेश शांत पण ठाम आवाजात म्हणतो, “माझी नाही फाटत, मुळात मला बोलायचंच नाहीये तुझ्याशी!” वाद इथेच न थांबता पुढे वाढतो. विशाल टोमणा मारतो, “बायकांमध्ये का जातो?” त्यावर राकेश प्रत्युत्तर देतो, “भाई मी नाही जात, तुझी बाई माझ्यावर येतेय.”(Bigg Boss Marathi Season 6)
============================
=============================
राकेश पुढे म्हणतो, “तुम्हा लोकांना मुद्दा मिळाला नाही तर तुम्ही लोकं माझ्यावर येता.” आणि शेवटी तो थेट आव्हान देतो. “तुम्ही टोळी-टोळी काय खेळता? असेल हिम्मत तर एकटे उभे राहून कधी तरी खेळून दाखवा मला.” या चॅलेंजला टोळी खरंच उत्तर देणार का? की हा मुद्दा वेळेत विरून जाणार? आता घरातील पुढचा खेळ याच संघर्षाभोवती फिरणार, हे मात्र नक्की! प्रेक्षकांच्या दृष्टीने हा ‘गेम ऑफ ग्रुपिझम’ अधिक रंगतदार ठरणार का, हे पाहणं उत्सुकतेचं ठरेल.