… म्हणून “धूम ४” मध्ये दीपिकाची वर्णी लागली…
धूम चित्रपटाच्या चाहत्यांसाठी एक खुशखबर आहे. धूम चित्रपटांच्या मालिकेतील चौथ्या चित्रपटाचे चित्रिकरण लवकरच सुरु होणार असून वर्षाअखेरीस हा धूम ४ (Dhoom 4) प्रेक्षकांच्या भेटीस येण्याची शक्यता आहे. विशेष म्हणजे या धूम ४ चे कथानक एका स्मार्ट “चोरनी” भोवती फिरणार आहे. या भूमिकेत दीपिका पदुकोन (Deepika Padukone) असणार आहे.
यशराज बॅनर्सच्या या यशस्वी चित्रपटाच्या मालिकेत पहिल्यांदाच दीपिका आणि ऋतिक रोशन (Hrithik Roshan) एकत्र दिसणार आहेत. या दोघांसोबत जॉन अब्राहमही (John Abraham) महत्त्वपूर्ण भूमिकेत असणार आहे. गेली अनेक वर्ष बॉलिवूडमध्ये ऋतिक आणि दीपिका स्टार म्हणून आपला ठसा उमटवत असतांना दोघांना एकत्र काम करता आले नव्हते. धूम ४ च्या निमित्तानं हे दोघं पडद्यावर एकत्र दिसणार आहेत.
हे देखील वाचा: दीपिका पादुकोन: गुलाबाचा काट्यांसह प्रवास…
धूम चित्रपटाच्या पहिल्या भागापासून प्रेक्षकांना आपल्याकडे खेचून घेतलं आहे. यशराज बॅनर्सचे (Yash Raj Films) हे तीनही चित्रपट बॉक्स ऑफीसवर सुपरहिट ठरले आहेत. जॉन अब्राहम, ऋतिक रोशन आणि अमिर खान यांच्या या ऍक्शनपटांनी तरुण पिढीला आपल्याकडे खेचून घेतलं आहे. आता याच ऍक्शनपटाचा पुढचा भाग काय आणि कसा असणार याची उत्सुकता आहे.
हा चौथा भाग वेगळा असावा यासाठी आदित्य चोप्रा (Aditya Chopra) यांनी चोराच्या भूमिकेसाठी दीपिका पदुकोनचे नाव नक्की करण्यात आले आहे. या भूमिकेसाठी आदित्य चोप्रा यांची पहिली पसंती प्रियंका चोप्राला होती. पण परदेशात असलेल्या प्रियंकाच्या २०२१ मधील सर्व तारखा बुक असल्यामुळे धूम ४ मध्ये दीपिकाची वर्णी लागली. त्यासोबत ऋतिकही पुन्हा एकदा धूमच्या मालिकेत दिसणार आहे.
धूम ४ चे दिग्दर्शन मनिष शर्मा करणार आहेत. दीपिका, ऋतिक आणि जॉन अब्राहम या तिघांच्या तारखा निश्चित करण्यात आल्या असून लवकरच चित्रिकरणाला सुरुवात होणार आहे. या तिघांमध्ये ऋतिक रोशन या नव्या वर्षात सर्वात बिझी स्टार ठरणार आहे. कारण ऋतिक सध्या त्याच्या होम प्रोडक्शनच्या “क्रिश” चित्रपटाच्या पुढच्या भागाच्या तयारीत आहे.
हे वाचलंत का: कंगना दिसणार पायलट आणि अम्मा च्या रूपात…
याशिवाय महाभारत चित्रपटामध्येही त्याला महत्त्वपूर्ण भूमिका मिळाली आहे. या व्यतिरिक्त ऋतिकला तामिळ चित्रपट विक्रम वेधाच्या हिंदी रिमेकमध्येही लिड रोल मिळाला आहे. आर. माधवन आणि विजय सेतुपती यांची प्रमुख भूमिका असलेला हा तामिळ चित्रपट सुपरहीट ठरला होता. आता त्याच्या हिंदी रिमेकमध्ये ऋतिक रोशन आणि सैफ अली खान एकत्र दिसणार आहेत.