जेव्हा अमिताभ बच्चन यांनी लहानग्या Kareena Kapoor हिचे पाय धुतले!
Siddharth Jadhav : ऑडिशनच्या भानगडीत न पडणारा मी नागराज मंजुळेंच्या ‘त्या’ ऑडिशनला घाबरलोच….
अभिनेता सिद्धार्थ जाधव (Siddharth Jadhav) याने त्याच्या अभिनयाचा प्रवास एकांकिकेपासून सुरु केला आणि आता तो हिंदी चित्रपटांपर्यंत येऊन ठेपला आहे. खरं तर विनोदी भूमिका अधिक करणाऱ्या सिद्धार्थने स्वत:ला टाईपकास्ट न करता ‘हुप्पा हुय्या’ किंवा अलीकडच्या ‘आता थांबायचं नाय’ चित्रपटात लक्षणीय भूमिका साकारल्या. आणि आता लवकरच सिद्धार्थ नागराज मंजुळे (Nagraj Manjule) यांच्या ‘मटका किंग’ या हिंदी वेब सीरिजमध्ये झळकणार आहे. एका मुलाखतीमध्ये सिद्धार्थने इतकी वर्ष काम करुनही त्या ऑडिशनला दरदरुन घाम फुटल्याचा खास किस्सा सांगितला.(Entertainment tadaka)
सिद्धार्थने अमोल परचुरेला दिलेल्या मुलाखतीमध्ये एक खास आठवण सांगितली. सिद्धार्थ म्हणाला की, “मला दिग्दर्शक नागराज मंजुळे यांच्याबरोबर काम करायचं होतं. एक दिवस त्यांचा फोन आला की, पुण्याला येऊन फक्त एक ऑडिशन देऊन जा. मी इतक्या वर्षांमध्ये कधी ऑडिशन दिलं नव्हतं आणि मी ऑडिशनच्या भानगडीत पडायचो नाही. पण, यावेळी मी ऑडिशनसाठी गेलो. मला तेव्हा दरदरून घाम फुटला होता. त्यांनी मला एक टी शर्ट दिला होता, तो पूर्ण भिजला होता. नागराज मंजुळेंनी सांगितलं होतं की हा रोल सिद्धार्थ जाधवच करेल; पण आम्हाला त्याचं ऑडिशन बघायचं आहे. तेव्हा मी त्यांच्या शब्दाखातर तीन वेळा ऑडिशन दिलं. पण, नीट जमत नव्हतं म्हणून मी त्यांना सॉरीसुद्धा म्हणालो. ते म्हणाले काही हरकत नाही, होईल. मला असं वाटतं की हे कलाकाराबरोबर झालं पाहिजे. मी करेन रे, होऊन जाईल फक्त असं बोलून नटाचं काही होत नाही.” (Bollywood news)
================================
=================================
दरम्यान, ‘सैराट’ (Sairat) फेम नागराज मंजुळे लवकरच ‘मटका किंग’ (Mataka King) वेब सीरीजचं दिग्दर्शन करणार असून त्यांच्या या पहिल्या सीरीजमध्ये विजय वर्मा, सई ताम्हणकर, कृतिका कामरा, गुलशन ग्रोवर आणि सिद्धार्थ जाधव हे कलाकार महत्त्वाच्या भूमिकेतून झळकणार आहेत. लवकरच सीरीज भेटीला येईल अशी शक्यता वर्तवली जात आहे.(Mataka King web series cast)