Star Pravah: महानायिकांची ‘महावटपौर्णिमा’: मराठी TV च्या इतिहासात पहिल्यांदाच, पर्यावरण रक्षणासाठी १५ नायिका एकत्र! 

Star Pravah: वरुणराजाचे आगमन होताच सणांचा सिजन सुरू होतो, आणि वटपौर्णिमा हा त्यातला एक खास सण! पती-पत्नीच्या नात्यातील प्रेम, समर्पण आणि निसर्गसंवर्धनाचा संदेश देणारा हा दिवस आता एका नव्या रूपात प्रेक्षकांसमोर येतोय. पहिल्यांदाच, स्टार प्रवाह वाहिनीवरील १५ लोकप्रिय मराठी नायिका एकत्र येऊन वटपौर्णिमेचे खरे स्वरूप आणि त्यामागील सामाजिक संदेश अधिक ठळकपणे मांडणार आहेत. वटपौर्णिमा म्हणजे केवळ वडाच्या झाडाभोवती सात फेरे घेऊन सौभाग्याची प्रार्थना करण्याचा दिवस नाही, तर तो पर्यावरण रक्षणाचा एक प्रभावी संदेश देणारा सण आहे. वड हे दीर्घायुषी झाड, जे पिढ्यानपिढ्या आपल्याला सावली, प्राणवायू आणि आशीर्वाद देत आले आहे. त्याचे रक्षण करण्याचा निर्धार यंदाच्या ‘महावटपौर्णिमा‘ विशेष भागात दिसणार आहे.(Star Pravah Mahanayikanchi Mahavatpurnima)

या विशेष भागात, आपल्या आवडत्या मालिकांमधील नायिका शुभा, सायली, नंदिनी, कला, अबोली आणि इतर – एकत्र येऊन समाजात झाडांवरील होणाऱ्या अत्याचारांविरोधात आवाज उठवणार आहेत. व्रताचे धागे तोडणाऱ्या वाईट प्रवृत्तींना सडेतोड उत्तर देणाऱ्या या ‘रणरागिणी‘ एक सामाजिक भान जागवणार आहेत. स्टार प्रवाह वाहिनीचा ‘मराठी परंपरा, मराठी प्रवाह’ हा ब्रीदवाक्य जपत, परंपरेसोबतच पर्यावरण संवर्धनाचा संदेश देणारा हा खास भाग म्हणजे एक प्रेरणादायी अनुभव ठरणार आहे.

‘आई आणि बाबा रिटायर होत आहेत’ फेम निवेदिता सराफ म्हणतात, “१५ नायिका, त्यांची पात्रं आणि एक सामूहिक उद्दिष्ट – हा केवळ शूटिंग नव्हे, तर एक सुंदर समारंभ वाटला. झाडांचे संरक्षण ही आजची खरी गरज आहे आणि आम्ही त्याच भावनेने काम केलं.” ‘ठरलं तर मग’ मधील सायली, जुई गडकरी सांगतात, “हे फक्त महासंगम नसून एक चळवळ आहे. वडाच्या झाडाच्या सान्निध्यात ४ दिवस शूटिंग करताना आम्हाला निसर्गाशी जोडलेपणं पुन्हा जाणवलं. ही एक अविस्मरणीय अनुभूती होती.” (Star Pravah Mahanayikanchi Mahavatpurnima)

==================================

हे देखील वाचा: Mrunmayee Deshpande: ६ अभिनेत्यांसोबत पहिल्यांदाच स्क्रिन शेअर करणार!

==================================

हा खास भाग ‘महानायिकांची महावटपौर्णिमा’ रविवार, ८ जून रोजी दुपारी १ वाजता आणि संध्याकाळी ७ वाजता, स्टार प्रवाह या वाहिनीवर प्रसारित होणार आहे.