परेश मोकाशी दिग्दर्शित ‘वाळवी’ चित्रपटाला यंदाचा सर्वोत्कृष्ट मराठी चित्रपटाचा पुरस्कार जाहीर
दरवर्षी विविध भाषिक चित्रपटांना राष्ट्रीय पुरस्काराने सन्मानित करण्यात येते. नुकतीच ७०व्या राष्ट्रीय पुरस्कारांची घोषणा करण्यात आली असून परेश मोकाशी दिग्दर्शित ‘वाळवी’ चित्रपटाला यंदाचा ‘सर्वोत्कृष्ट मराठी चित्रपटा’चा पुरस्कार घोषित करण्यात आला आहे. मयसभा करमणूक मंडळी, झी स्टुडिओज निर्मित या चित्रपटात स्वप्नील जोशी, अनिता दाते, सुबोध भावे, शिवानी सुर्वे यांच्या प्रमुख भूमिका आहेत. या चित्रपटाची कथा, पटकथा आणि सवांद परेश मोकाशी आणि मधुगंधा कुलकर्णी यांचे आहेत. २०२३ सालीचा दिग्दर्शित व झी स्टुडिओज ह्याच्या प्रोडक्शन बॅनरखाली मधुगंधा कुलकर्णी निर्मित भारतीय मराठी भाषेतील डार्क कॉमेडी रहस्यपट चित्रपट आहे. १३ जानेवारी २०२३ रोजी थिएटरमध्ये आणि २४ फेब्रुवारी २०२३ रोजी झी फाईव्ह वर डिजिटल स्वरूपात प्रदर्शित झाला आहे. (National Film Award 2024 Best Marathi Movie Vaalvi)
‘वाळवी‘ हा शब्द तसा नकारार्थी! तरीही अशा नावाचा आपल्याला हसवणारा आणि अंतर्मुख करणारा भन्नाट चित्रपट फक्त मराठीच नाही तर इतर भाषांमधल्या चित्रपटांमध्ये आपल्या वेगळ्या विषयामुळे आणि मांडणीमुळे नेहमीच चर्चेत राहिला. समीक्षकांसोबतच प्रेक्षकांच्या सुद्धा पसंतीला उतरला. परेश मोकाशी नेहमीच काहीतरी नावीन्यपूर्ण, हटके कलीकृती घेऊन येतात, त्यातील वाळवी एक. मराठीतील पहिला थ्रिलकॅाम असणारा हा चित्रपट प्रेक्षकांना प्रचंड भावला.
झी स्टुडिओजचे सीबीओ उमेश कृष्ण (कुमार) बन्सल म्हणतात की,”झी स्टुडिओज नेहमीच प्रेक्षकांसाठी काहीतरी चौकटीबाहेरचे घेऊन येण्यासाठी प्रयत्नशील असते. परेश मोकाशी अत्यंत अभ्यासू आणि संवेदनशील दिग्दर्शक आहेत, जे प्रेक्षकांच्या आवडी उत्तमरित्या जाणतात. आज ‘वाळवी’ला सर्वोत्कृष्ट मराठी चित्रपटाचा राष्ट्रीय पुरस्कार मिळाला आहे. ही सगळ्यांसाठीच आनंदाची गोष्ट आहे. ‘वाळवी’मध्ये सहभागी असलेल्या प्रत्येकासाठी हा एक सन्मान आहे.(National Film Award 2024 Best Marathi Movie Vaalvi)
================================
हे देखील वाचा: अभिनेत्री अमृता खानविलकर करणार ‘वर्ल्ड ऑफ स्त्री’मधून भव्य नाट्यपदार्पण
================================
“दिग्दर्शक परेश मोकाशी म्हणतात की, ” खूप आनंद आहे, हा पुरस्कार माझ्या एकट्याचा नसून तो आमच्या संपूर्ण टीमचा आहे. मी प्रेक्षकांचाही तितकाच ऋणी आहे.” हा सिनेमा तुम्हा अजुनही पाहीला नसेल तर झी फाईव्ह वर डिजिटलवर पाहू शकता.