Amitabh Bachchan यांच्या कोटींच्या संपत्तीचा कोण होणार वारसदार? बिग बीने दिलं स्पष्ट उत्तर म्हणाले… 

Amitabh Bachchan: बॉलीवूडचा शहंशहा अमिताभ बच्चन आणि अभिनेत्री जया बच्चन हे हिंदी चित्रपटसृष्टीतील सर्वात प्रतिष्ठित आणि आदर्श जोडप्यांपैकी एक आहेत. अभिनय, कर्तृत्व आणि व्यावसायिक शिस्तीच्या बाबतीत बच्चन कुटुंबाने कायमच उच्च स्थान मिळवलं आहे. पण आता पुन्हा एकदा हे कुटुंब चर्चेत आलंय ते त्यांच्या संपत्तीच्या वाटपावर दिलेल्या जुन्या वक्तव्यामुळे. एका माध्यम संस्थेच्या रिपोर्टनुसार, 2024 पर्यंत अमिताभ बच्चन यांची एकूण संपत्ती सुमारे 1,600 कोटी रुपये इतकी आहे. अनेक बड्या ब्रँड्सचे अॅम्बेसेडर असलेले आणि ‘कौन बनेगा करोडपती’सारख्या सुपरहिट शोचे सूत्रसंचालन करणारे बिग बी, अजूनही सक्रियपणे कार्यरत आहेत. पण त्यांच्या संपत्तीचा वारसदार कोण असेल, यावर एक जुना 2011 मधील इंटरव्ह्यू सध्या पुन्हा एकदा सोशल मीडियावर चर्चेत आला आहे. (Amitabh Bachchan Property)

अमिताभ बच्चन यांनी त्या मुलाखतीत स्पष्ट केलं होतं की, त्यांच्या संपत्तीचा समान वाटा त्यांच्या मुलगा अभिषेक बच्चन आणि मुलगी श्वेता बच्चन नंदा यांना दिला जाईल. त्यांनी सांगितलं, “लोक म्हणतात मुलगी परकं धन असते, पण आमच्यासाठी श्वेता देखील अभिषेक इतकीच जवळची आहे. तिचाही त्या सर्व गोष्टींवर तितकाच अधिकार आहे.” जया बच्चन आणि अमिताभ यांनी खूप पूर्वीच हे निश्चित केलं होतं की, संपत्तीबाबत कोणतीही मुलगा मुलगी असा भेदभाव न करता न्याय केला जाईल.

मध्ये अशा चर्चा देखील आहेत की, ‘जलसा’ नावाचं बच्चन कुटुंबाचं प्रसिद्ध बंगला श्वेताला गिफ्ट म्हणून दिलं गेलं आहे, ज्याची अंदाजे किंमत ५० कोटी रुपये आहे. श्वेताने अभिनयात प्रवेश न करताही आपल्या वडिलांच्या नजरेत समान स्थान मिळवलंय, हे यातून दिसून येतं.अमिताभ यांनी मुलाखतीत अभिषेकबद्दल बोलताना सांगितलं होतं की, त्यांचं आणि अभिषेकचं नातं केवळ बाप–मुलाचं नाही, तर मैत्रीचं आहे. त्यांनी अनेकदा याचा उल्लेख केलाय की, आपल्या मुलाशी मैत्रीचं नातं असावं अशीच त्यांची इच्छा होती आणि अभिषेक त्याच अपेक्षांवर खरा उतरतो.  कायम सक्रिय असलेले अमिताभ बच्चन अजूनही बॉलीवूडमधील सर्वाधिक मानधन घेणाऱ्या अभिनेत्यांपैकी एक आहेत.(Amitabh Bachchan Property)

================================

हे देखील वाचा: ‘एक… दो… तीन’ ते मोहिनी पर्यंतचा प्रवास: Madhuri Dixit च्या स्टारडमचा खास किस्सा!

================================

एका सिनेमासाठी ते 6 कोटींहून अधिक मानधन घेतात, तर ‘केबीसी’च्या एका भागासाठी त्यांना 5 कोटी रुपये मिळतात. त्यांच्या नावावर 20 कोटींपेक्षा जास्त किंमतीच्या लक्झरी गाड्या देखील आहेत. अमिताभ बच्चन यांचं हे वक्तव्य केवळ त्यांचं कुटुंब व्यवस्थापनच नव्हे, तर समाजाला एक सकारात्मक संदेश देणारं ठरतं — की मुलगी असो वा मुलगा, अधिकाराच्या बाबतीत दोघेही समान असावेत. बच्चन कुटुंबाचा हा दृष्टिकोन अनेकांसाठी प्रेरणादायी आहे.