Dhurandhar 2 अडकला कायदेशीर कचाट्यात! आदित्य धरच्या प्रोडक्शनला BMC ‘ब्लॅकलिस्ट’मध्ये टाकणार?

२०२५ हे वर्ष रणवीर सिंगने गाजवलं. आदित्य धर दिग्दर्शित ‘धुरंधर’ (Dhurandhar) चित्रपटाने भारतातच नाही तर जगभरात डंका वाजवला आहे. एकीकडे प्रेक्षकांना डोक्यावर घेतल्या धुरंधरला मात्र बीएमसीने धक्का दिला आहे. धुरंधरचं बऱ्यापैकी शुटींग हे मुंबईत झालं असून या चित्रपटाच्या चित्रीकरणादरम्यान मुंबई महानगरपालिकेच्या (BMC) नियमांचे वारंवार उल्लंघन केल्याचं समोर आलं असून बीएमसीने दिग्दर्शक आदित्य धर यांच्या ‘बी६२ स्टुडिओज’ (B62 Studios) या प्रोडक्शन हाऊसला कायमचं ‘ब्लॅकलिस्ट’ करण्याचा प्रस्ताव मांडला आहे. काय झालंय जाणून घेऊयात… (Ranveer Singh Movie)

मिळालेल्या माहितीनुसार, दक्षिण मुंबईतील ‘ए’ वॉर्ड अंतर्गत येणाऱ्या बोरा बाजार, पेरीन नरिमन स्ट्रीट आणि मोदी स्ट्रीट येथे चित्रीकरणासाठी चित्रपटाला परवानगी देण्यात आली होती. मात्र, चित्रीकरणादरम्यान गंभीर नियमभंग झाल्याचं बीएमसीच्या निदर्शनास आलं सगळ्यात पहिली बाब म्हणजे शुटींग करताना तिथे विनापरवाना जनरेटर व्हॅन वापरण्यात आल्या होत्या, ज्यांची रीतसर परवानगी घेण्यात आली नव्हती. तसेच, कोणत्याही इमारतीच्या गच्चीवर शूटिंग करण्यासाठी परवानगी नसतानाही तिथे चित्रीकरण करण्यात आलं होतं. ((Entertainment News)

पुढे, पोलीस आणि बीएमसीने फटाके किंवा ज्वलनशील पदार्थ वापरण्यास सक्त मनाई केली असताना सेटवर मशाल पेटवून चित्रीकरण करण्यात आलं होतं. तसेच, बनावट बंदुका वापरल्या गेल्या होत्या ज्याचीही परवानगी रितसर मिळाली नव्हती. आणखी एक महत्वाची बाब म्हणजे अनधिकृतपद्धतीने ड्रोन वापरल्यामुळे त्यांच्यावर कडक कारवाई होणार असं दिसून येतंय. (Bollywood)

================================

हे देखील वाचा : Dhurandhar मराठीत बनला तर ८०च्या दशकातील ‘हे’ कलाकार असते प्रमुख भूमिकेत!

================================

दरम्यान, धुरंधरच्या शुटींगवेळी ज्या ज्या नियमांचं उल्लंघन करण्यात आलं तर बीएमसी आदित्य धर यांच्या प्रोडक्शन हाऊसला भविष्यात ब्लॅकलिस्ट करेल. आणि असं जर का झालं तर, मुंबईत किंवा बीएमसीच्या मालमत्तांवर चित्रीकरण करण्यासाठी कधीही परवानगी मिळणार नाही. आता १९ मार्च ‘धुरंधर २’ रिलीज होणार असून आता त्यावर काय प्रिणाम होणार हे पाहणं महत्वाचं आहे. (Dhurandhar 2)

Get Latest Marathi Entertainment update | Movies Reviews in Marathi | Celebrities Update in Marathi