Deepika Padukone : “इंडस्ट्रीच्या बाहेरची अशी भावना….”; दीपिकाचं महत्वाचं विधान

बॉलिवूडमध्ये पिढ्या न् पिढ्या काम करणाऱ्या मंडळींसोबत गॉड फादर नसूनही इंडस्ट्रीत आज आपलं अढळ स्थान निर्माण करणारे कलाकारही आहेत. यापैकी दोन महत्वाची नावं म्हणजे दीपिका पादूकोण (Deepika Padukone) आणि शाहरुख खान (Shah Rukh Khan). नुकतंच दीपिका पादूकोण हिने इंडस्ट्रीत आऊट साईडर वाटतं की नाही यावर महत्वपुर्ण विधान केलं आहे. मुंबईत सध्या ‘वेव्हज समिट २०२५’ (Waves Summit 2025) सुरु असून पंतप्रधान नरेंद्र मोदी यांच्या हस्ते मुंबईत जिओ वर्ल्ड सेंटर येथे २ मे २०२५ रोजी शुभारंभ करण्यात आला होता (Waves summit 2025)

२००७ मध्ये शाहरुख खान सोबत दीपिका पादुकोण हिने ‘ओम शांती ओम’ या चित्रपटातून बॉलीवूडमध्ये पदार्पण केलं. त्यानंतर एकाहून एक दर्जेदार कलाकृती तिने चाहत्यांना दिल्या. या सगळ्यात इंडस्ट्रीत कोणाचीही ओळख नसताना स्वत:चं सेट केलेलं करिअर आणि एकूणच इंडस्ट्रीबद्दल बोलताना दीपिका म्हणाली की,  “मला कधीच वाटले नाही की मी इंडस्ट्रीच्या बाहेरची आहे. मी सुरुवात केली तेव्हा हे फक्त एक नवीन जग होते. मी बेंगळुरूची १६-१७ वर्षांची मुलगी होते आणि फराह खान मला चित्रपटात घेण्यास उत्सुक होती. त्यावेळी मी बेंगळुरू आणि मुंबई असा प्रवास करत होते. त्यांनी माझे ऑडिशनही घेतले नाही. मला आठवतंय की मी त्यांना एकदा भेटले होते”. (Deepika Padukone and film industry)

==================================

हे देखील वाचा :  Deepika Padukone : पॅरिस फॅशन वीकमध्ये दीपिकाचा जलवा!

==================================

पुढे दीपिका म्हणाली की, “फराह खान म्हणाली, मला तू एकदा शाहरुखला भेटावे असे वाटते. त्यावेळी शाहरुख ऑस्ट्रेलियामध्ये ‘चक दे इंडिया’ चित्रपटाचे शूटिंग करत होता. तो म्हणाला की तो परत आल्यावर आपण एक मीटिंग घेऊ. मी मॉडेल होते, त्याने माझे काही काम पाहिले होते, पण मला कधीच असं वाटलं नाही की मी इंडस्ट्रीच्या बाहेरची आहे”.  (Bollywood)

दीपिकाने अनेक मुली ज्या इंडस्ट्रीत आपली ओळख निर्माण करु पाहात आहेत त्यांच्यासाठी एक उत्तम उदाहरण सेट केलं आहे. ‘कार्तिक कॉलिंग कार्तिक’, ‘हाऊसफुल्ल’, ‘खेले हम जी जान से’, ‘आरक्षण’, ‘देसी बॉईज’, ‘पद्मावत’, ‘बाजीराव मस्तानी’, ‘छपाक’, अशा अनेक चित्रपटांमध्ये तिने उत्कृष्ट कामं केली आहेत. लवकरच हिंदीत शाहरुख खान सोबत ‘किंग’ चित्रपटात ती झळकणार आहे; तर दुसरीकडे ‘कल्की’नंतर पुन्हा एकदा प्रभास सोबत ‘Spirit’ या चित्रपटात दीपिका झळकणार आहे. मुलगी दुआ हिच्या जन्मानंतर लवकरच दीपिका चित्रपटांच्या शुटींगकडे वळणार आहे. (Deepika Padhukone movies)

‘वेव्हज समिट २०२५’मध्ये भारतीय चित्रपटसृष्टीतील अनेक दिग्गज कलाकारांनी हजेरी लावली होती. यात आवर्जून मराठी कलाकारही सहभागी झाले होते. रजनीकांत, करण जोहर, मोहनलाल, चिरंजीवी, रणबीर कपूर, आलिया भट, हेमा मालिनी, दीपिका पादुकोणसह अमृता खानविलकर, नेहा पेंडसे, आदिनाथ कोठारे यांच्यासह अनेक कलाकार उपस्थित होते. (Waves summit)